17 нче февраль мәктәбебезнең мәҗлесләр залында “Ел укучысы- 2015” шәһәр бәйгесенең мәктәп сайлап алу туры узды. Бәйге 3-11 нче сыйныф укучыларын үз эченә алды. 3-5 нче сыйныфлар арасында 6 укучы, 6-8 нче сыйныфлар арасында- 7 укучы, 9-11 нче сыйныфлар арасында- 2 укучы катнашты. Нәтиҗәдә:

1 урын- Сафина И. , Гилязова А. , Сәлимгараева А. ;

2 урын- Шагеева Д. , Мингазова А. , Хамматова А. , Харисова Л. ;

3 урын- Мозафарова А. , Идиатуллина А.  лар яулады. Шәһәр турында катнашучыларга уңышлар телибез!

 Хәрби- патриотик айлык кысаларында , 17 нче февраль көнне сәгать  18.00 дә мәктәбебезнең мәҗлесләр залында “Көчле Ватанның- көчле әтиләре” темасы астында  әтиләр советы узды. Әтиләр утырышына шәһәребезнең әтиләр советы әгъзасы Соленов И.В. белән, психологик ярдәм үзәге директоры Фархутдинова Л.Н. лар чакырылды. Совет утырышында әтиләр үзләрен кызыксындырган сорауларга җавап алдылар, киң эчтәлекле видеокинолар карадылар. Кунаклардан соң, утырышны тәрбия эшләре буенча директор урынбасары Сабирҗанова М.Р. дәвам итте. Ул үз чыгышында әтиләр советының эшчәнлегенә анализ ясады: әти- әниләр университеты, әти- әниләр патруле, “үз мәктәбеңә ярдәм ит” акцияләре, “буран” операцияләре, әтиләр парады, “Әти, әни, мин- спорт сөюче гаилә” бәйгеләрендә катнашулар турында әйтеп китте.  Совет утырышы әтиләрне якынлашып килүче бәйрәм белән котлау максатыннан әзерләнгән концерт номерлары белән төгәлләнде. 

  12 февраля в нашей школе состоялась встреча с участниками боевых действий в Афганистане. Ветераны поделились своими воспоминаниями, рассказами о боевых наградах, ответили на вопросы ребят. Учителя подготовили литературно-поэтическую композицию, посвящённую афганской войне,а ученики концертные номера. Рассказы бывших воинов сопровождались показом фотографий на большом экране. Встреча прошла очень интересно, ребята надолго запомнят боевые подвиги земляков. Подобные встречи очень нужны, прежде всего, с точки зрения патриотического воспитания и передачи жизненного опыта от одного поколения к другому.

    2015 ел Рәсәй күләмендә “Әдәбият елы” дип игълан ителде.  Шул ел кысаларында 30 нчы гыйнвар  көнне   “Казан  утлары” мөхәррире,  Г.Тукай исемендәге Дәүләт премиясе   иясе  Илфак Ибраһимов  ( псевдонимы Мөхәммәт Мирза) белән очрашу кичәсе булып узды. Кичәдә укучылар шагыйрьнең   биографиясе ,иҗаты белән таныштылар.  Укучылар Илфак абыйларының талантлы шәхес икәнен беләләр иде,әмма аның үз    әсәрләрен яттан,сәнгатьле итеп сөйләүләрен тыңлап шаккаттылар. Илфак Ибраһимов укучыларны үзенең балачагын сагынып искә төшерүе  белән бүгенге тормышның кадерен белергә чакырды. Укучыларыбыз шагыйрь абыйларына үзләрен кызыксындырган сорауларын  бирделәр. Шулай ук  очрашуда  “Казан утлары” журналының проза бүлеге мөхәррире, өметле язучыбыз    Айгөл Әхмәтгалиева да катнашты. Айгөл апаларының кызык итеп укучылар белән сөйләшүе  үз әсәрләренә җәлеп итте. Кунаклар укучыларга  журналның яңа саннарын,мәктәпкә исә   үзләре иҗат иткән китапларын бүләк иттеләр.   Соңыннан мәктәп директоры Кайбышев Сайфи Рифхат улы язучыларга  иҗат уңышлары теләп,кабат очрашуга көтеп калуларын җиткерде.

   Кичәне  мәктәпнең директор урынбасары Дания Васил  кызы оештырды һәм алып барды. Гомумән,очрашудан һәркем канәгатьлек алып таралды.   

    12 нче декабрь  көнне мәктәбебезнең һәр сыйныфында, ОППН отряды белән берлектә,  хокук сәгатьләре узды. Тарих укытучысы, Юнысов М.М. җитәкчелегендә  6 нчы сыйныфтан алып 11 нче сыйныфлар өчен, мәҗлесләр залында,  “Минем хокукым” дип исемләнгән тәрбия сәгате узды. Тәрбия сәгатенә инспектор ОДН ОП № 1 Зайнуллина Р.М чакырылды. Тәрбия сәгате барышында укучылар үзләрен кызыксындырган сорауларга җавап алдылар. Мәгълүматларга бай булган әлеге дәрестән укучылар кәнагәть калдылар

    26 нчы, 27 нче ноябрь көннәрендә  мәктәбебездә “Татар малае-2015” шәһәр бәйгесенең мәктәп сайлап алу туры узды.  Милли мәдәният һәм сәнгать өлкәсендә сәләтле ир балаларны ачыклау, аларга шул юнәлештә үсеп китәргә ярдәм итү, татар халкының йолаларына, гореф- гадәтләренә кызыксыну уяту аша милли үзаң тәрбияләүгә юнәлдерелгән әлеге бәйгедә 1-4 нче сыйныфлардан 14 укучы, 5-8 нче сыйныф категориясеннән 8 укучы көч сынашты. Алар җыр, бию, нәфис сүз,  сәнгатьнең башка төрләре буенча иҗади сәләтләрен күрсәттеләр, үзләре белән таныштырдылар.

Нәтиҗәдә:

1 урынны-  Ахунов Муса- 4а сыйныфы һәм  Нурмөхәмәтов Азамат- 5а сыйныфы укучылары яулады;

2 урынны- Шәрәфетдинов Раил- 2б сыйныфы, Вафин Ильдан- 3а сыйныфы, Фәхртдинов Айдар- 5б сыйныфы;

3 урынны- Бакиров Зөфәр- 3а сыйныфы, Закиров Вильдан- 7б сыйныфы укучылары яулады.