Если ваш малыш научился сидеть, стоять и уже ходит, если ему исполнилось 3 года, значит, наступила пора привести его в Детскую группу раннего развития «Барсик».

Для Вас и Ваших детей мы предлагаем следующие занятия:

• «Цветные ладошки»
• Английского языка «»Hello, friend!»
• Танцевальный кружок «Чунга-чанга»
• «Развивай-ка»

   19 нчы февраль көнне мәктәбебездә “Татар малае-2014” шәһәр бәйгесенең Автозавод район туры узды. Милли мәдәният һәм сәнгать өлкәсендә сәләтле ир балаларны ачыклау, аларга шул юнәлештә үсеп китәргә ярдәм итү, татар халкының йолаларына, гореф- гадәтләренә кызыксыну уяту аша милли үзаң тәрбияләүгә юнәлдерелгән әлеге бәйгедә түбәндәге мәктәп һәм гимназияләр катнашты: 19, 23, 29, 32, 33, 34, 37, 40, 43, 48, 49, 51, 52, 55, 61, 77, 79.  Бәйгедә барлыгы 20 егет  көч сынашты. Алар җыр, бию, нәфис сүз,  сәнгатьнең башка төрләре буенча иҗади сәләтләрен күрсәттеләр, үзләре белән таныштырдылар. Нәтиҗәдә, 1 урынны- 29 гимназия, 2 урынны- 52 мәктәп, 3 урынны- 43 мәктәп яулады. Алда әле аларны  шәһәр туры көтә. Барыгызга да уңышлар теләп калабыз.

   Бу атнада 15 февральдә Советлар Союзы Герое,Ленин премиясе лауреаты каһарман шагыйрь Муса Җәлилнең туган көне уңаеннан 1-6 сыйныфларда  “Гомрем минем моңлы бер җыр иде”дип аталган батырлык дәресләре узды.Укучылар Муса Җәлилнең тормыш юлы,күрсәткән батырлыгы белән танышты. Патриотик рухта язылган  шигырьләрен тыңладылар.Муса Җәлил китапларыннан оештырылган китап күргәзмәсе белән таныштылар.Соңыннан 52нче мәктәп китапханә активистларының“Күңел” радиосы тапшыруы өчен яздырылган “Татарстан уллары ил батырлары”дип аталган радиопастановкасын да укучылар бирелеп дулкынлану белән тыңладылар. Дәресләр 52 нче мәктәп китапханәсендә Нурутдинова Илфания Камиловна тарафыннан уздырылды.

    1 нче февраль көнне мәҗлесләр залында мәктәбебезне тәмамлаган укучылар белән очрашу кичәсе узды. Бәйрәм сәгать 16.00 дән 19.00 гә кадәр дәвам итте. Бәйрәмгә барлыгы 105 чыгарылыш сыйныф укучысы килде. Алар өчен сыйныфларда очрашулар, мәктәп советы укучылары җитәкчелегендә теркәү һәм концерт программасы оештырылды, “Текә борычлар” КВН командасының чыгышы күрсәтелде.  Алар бу көнне кабаттан мәктәп бусагасына аяк бастылар. Укытучылары белән күрешеп сөйләштеләр, үзләрен кабаттан укучылар итеп хис итү кебек тойгылар илә сөенделәр. 

    9 нчы гыйнвар көнне шәһәребез күләмендә “Мин татарча сөйләшәм”   акциясе кысаларында   әкиятләрне сәхнәләштерү бәйгесе уздырылды. Безнең укучылар да бу акциягә теләп кушылдылар һәм Р.Корбанның “Бәрәнне кем ашаган?” әкиятен сәхнәләштереп катнаштылар. Нәтиҗәдә,4 нче сыйныф укучылары сәхнәләштергән әкият шәһәркүләмендә 1 урынга лаек булды.

Кышкы каникулдан чыгып, бер атна укуга мәктәбебездә бәйрәмнәр дәвам итте. Планга кергән иң зур бәйрәмнәрнең берсе, ул- “Һөнәрләр иле-2014” бәйгесе иде. Беренче атналыкта укучылар, сценарийлар төзеделәр, сәхнә костюмнары әзерләделәр. Һәм 23 нче, 24 нче  гыйнвар көннәрендә  2-11 нче сыйныф укучыларын үз эченә алган “Һөнәрләр иле- 2014” бәйгесе узды. Бәйгедә иң кечкенә катнашучылар 2а сыйныфы укучылары булды. Алар монтаж формасында “Ветеринар” һөнәрен күрсәттеләр, шушы һөнәргә хас, яңа көйгә салынган җыр белән төгәлләделәр. 3а  сыйныфы- шәфкать туташы, 4а, 3б сыйныфлары- төрле һөнәрләр, 4б сыйныфы- чәчтараш һөнәрләрен күрсәттеләр. Һәр класс әзерлекле, презентацияләр белән тулыландырылган, сәхнә костюмнарыннан иделәр.

   21 январь көнне 52 нче мәктәптә татар әдәбияты күгендә балкып янучы, туган     шәһәребездә  яшәп иҗат итүче,  Татарстан язучылар берлеге һәм Татарстан журналистлар берлеге әгъзасы, прозаик, шагыйрь, тәрҗемәче, әдәбият галиме, публицист, филология фәннәре кандидаты, Гаяз Исхакый, Александр Грибоедов исемендәге әдәби премияләр лауреаты, Татарстанның атказанган мәдәният хезмәткәре, “Тәрҗемә Олимпы” һәм “Кояшлы иҗат өчен” халыкара бүләкләр иясе  “Көмеш кыңгырау”газетасының баш мөхәррире  Факил Миңнемөхәммәт улы Сафин иҗатына багышланган әдәби-музыкаль кичә оештырылды.

    Укучылар язучының иҗатын тирәнтен өйрәнергә теләп аның повесть, романнарын укыды,шигырьләрен яттан өйрәнде.Өлкән сыйныф укучылары  язучының “Гөлҗиһан” һәм  “Биек тауның башларында”романыннан өзекне сәхнәләштереп уйнаса,башлангыч сыйныфлар балалар өчен язылган шигырьләрен матур итеп яттан сөйләде.

    Язучы белән очрашу кичәсе кунагыбыз һәм укучылар күңелендә истә калырлык бәйрәм кичәсе булды.

Кичәне оештырды китапханәче Нурутдинова Илфания Камил кызы.

Министерство образования и науки Республики Татарстан  напоминает  о том,  что при низкой температуре воздуха отменяются учебные занятия

Хезмәт сөйгән төрле милләт халкын

Тәбриклибез Яңа ел белән!

Бу елда без бергә атлыйк, дуслар,

Гаделлеккә илткән юл белән,

Барыгызга сәламәтлек телибез,

Бәхет, шатлык, озын гомерләр,

Туры килсен безгә киләчәктә

Тормыш рәхәтләрен күрергә!

Күңелләрдә безнең артсын сафлык,

Тормыш юлларында гел шатлык.

 Җ әбер-золым юлын буып алып,

Дөньялыкта калсын гел хаклык.

Күңелләрдә булса юксынулар,

Әрнү—рәнҗү, сагыш газабы,

Барысы да алып кала күрсен

2013 ел азагы!

Еллар яңа, теләк шул ук

Йөзебездә балкып кала:

Илләр — имин, гөлләр исән

Торсын һәрчак бу дөньяда!