8 июнь чараларга бик бай булды.1,2 отряд балалары белән Апуш исемендәге китапханә хезмәткәрләре "Әкият белән бергә коррупциягә каршы" дигән тәрбияви чара үткәрделәр. 3 отряд тәрбиячеләре "Рәсәй-минем Ватаным" темасына мастер-класс оештырдылар. Балалар үз куллары белән ясалган әшләнмәләрдән бик канәгать калдылар. Шундый файдалы чаралар уздырган тәрбиячеләргә зур рәхмәт!

Менә лагерь тормышының икенче атнасы башланып китте. Алдан планлаштырганча, без кинотеатрга юл тоттык. Мавыктыргыч фильм карап чыккач, юлда туктап уйнап та алдык.

7 июнь сабантуй бәйрәме белән истә калды. Яр Чаллы артистлары белән берлектә үткәрелгән бу чара ярышларга бик бай булды: чүлмәк вату дисеңме, көянтәле чиләкләр белән ярышу, аркан тартышу, бил алышу...Балалар рәхәтләнеп күңел ачтылар, тәмле күчтәнәчләрдән авыз иттеләр.

Лагерьның беренче атнасын үзәк мәчеткә экскурсия белән төгәлләдек. Ишек алдында ук безне ачык йөз белән каршы алдылар. Бай эчтәлекле әңгәмә үткәрделәр, әдәпле булырга өйрәттеләр.

3 июнь дә чараларга бик бай булды. Шуларның берсе - "Күңелле стартлар". Мәктәп яны мәйданчыгында малайлар һәм кызлар җитезлектә көч сынаштылар. Бәйге дуслык җиңүе белән тәмамланды.

2 июнь көнне без "Гаилә" паркына юл тоттык. Анда рәхәтләнеп ял иттек һәм сәнгать мәктәбе белән берлектә мастер-класс оештырдык. Үз кулларыбыз белән ясалган очыргычлардан бер кочак ләззәт алып лагерьга кайттык.

1 июнь көнне мәктәп яны лагеры үзенең ишекләрен ачты. Халыкара балаларны яклау көне уңаеннан "Бәхетле балачак бәйрәме" дип аталган чара үткәрелде. Бәйрәм җыр һәм биюләр белән үрелеп барды, барыбызда да җылы тәэсирләр генә калдырды.

1 нче июнь көнне Әтиләр Ассоциациясенең XII муниципаль спартакиадасы үтте һәм безнең гимназия әтиләре 1 нче дәрәҗә Диплом белән бүләкләнделәр. Молодцы. Котлыйбыз!

26 май көнне "Нефтехимик" паркында Химиклар көненә багышланган бәйрәмдә безнең гимназиянең сәләтле балаларын һәм педагогларын хөрмәтләделәр. Безнең гимназистларны һәм кадерле укытучыларны җиңүләре белән котлыйбыз. Киләчәктә дә уңышлар һәм яңа җиңүләр телибез.

25 нче май көнне 62 чыгарылыш сыйныф укучысы өчен "Соңгы кыңгырау" чыңлады,. Безнең гимназиядә кунакта Түбән Кама муниципаль районы башкарма комитеты җитәкчесе Муллин Р. Х булды.Ул балаларга имтиханнарда уңышлар теләде.