Гимназиядә тарихи вакыйга. Бездә кунакта Татарстан Республикасының Язучылар берлеге әгъзалары булды. Мөхтәрәм кунакларны халкыбызның гореф-гадәтләре буенча Чәк-чәк белән каршы алдылар. "Туган тел" җырын бергәләп башкардылар. Кунакларыбызны гимназиябезнең бай эчтәлекле Тарих-этнографик һәм Р. Гайнуллин музейлары белән таныштырып үттеләр. Очрашу музейдан соң, сыйныфларда дәвам итте.Язучылар: Ркаил Зайдулла, Газинур Морат Зиннур Мансуров, Вахит Имамов, Хабир Ибрагим, Факиль Сафин, Лилия Гибадуллина, Ильсияр Иксанова, үзебезнең "Кама таңнары" язучылары, җырчылар:Азат Тимершаех, Рөстәм Маликов балалар белән бик теләп аралаштылар, сорауларга җавап бирделәр. Балалар да, мөхтәрәм кунакларыбыз да бу очрашудан кәнагать булдылар. Рәхмәт Сезгә, кадерле язучыларыбыз, безгә онытылмаслык мизгелләр бүләк иткән өчен.

Хөрмәтле әти-әниләр!

2022  нче елның 19 нче февраленнән булачак 1 нче сыйныф укучылары өчен әзерлек дәресләре башлана. Дәресләр шимбә көнне сәг. 09.00 дән 11.00 кадәр үткәрелә.

Уважаемые родители!

Первое занятие по подготовке к школе состоится 19 февраля 2022 года  с 9:00 до 11:00

(1 раз в неделю по субботам)

При себе иметь: вторую обувь, тетрадь в клетку, ручку, простой карандаш, цветные карандаши.

Безнең гимназиядә психология атналыгы дәвам итә. Бүген, 6-7 нче сыйныфларның яшь социологлары белән психологлары "Телефонның файдасы һәм зарары" дип исемләнгән соцопрос үткәрделәр.

2 нче гимназиядә психология атналыгы бара. 15 нче февральдә Казан инновацион университеты психология факультетның 3 нче курс студентлары профориентация буенча сыйныф сәгатьләре үткәрделәр. 9 нчы сыйныф укучыларына булачак психологлар белән аралашу бик файдалы булды.

Бездә кунакта Г.Тукай исемендәге китапханәдән Мусина Гөлфия Шәмгун кызы һәм Шалафаева Гөлназ Хәмит кызы. Бакый Урманченың 125 еллык юбилее уңаеннан гимназия музеенда саклана торган бөек рәссамга кагылышлы экспонатлар белән таныштылар.

4 в сыйныф укучысы Шәрифуллин Данир (җитәкчесе Мухаметьянова Ч.М.) татар шагыйре Муса Җәлилнең 116- еллыгы уңаеннан "Тормыш минем җырым белән яңгырады..." әдәби конкурсында 1 нче урынны яулады. Молодец. Котлыйбыз.

Башлангыч сыйныф укытучысы Сайфутдинова Нурия Нурисламовна музейга татар халык җырлары һәм әкиятләре яздырылган пластинкалар китерде. Бик зур рәхмәт.

10-13 нче февраль көннәрендә Казан шәһәрендә физик тәрбия буенча Бөтенроссия олимпиадасының Республика этабы олимпиадасы узды. Безнең гимназия укучылары югары нәтиҗәләр күрсәттеләр. Гайнутдинова Диляра һәм Гилязова Айсылу-җиңүчеләр; Хазипова Аделя, Сафина Инджиля, Махмутов Рузаль, Махмутов Нияз, Шафиков Вадим, Загиров Мурат һәм Нагуманов Азат-призёрлар (җитәкчеләре:Булатов И.Ф., Махъянова Г.Г) Молодцы! Котлыйбыз! Без сезнең белән горурланабыз.

12 нче февраль көнне, безнең гимназиянең администрациясе, укытучылары һәм укучылары "Лыжня России-2022" дә катнашты. Молодцы. Хәрәкәттә-бәрәкәт.

Халыкара туган телләр айлыгы кысаларында 8 нче Г сыйныфы укучылары " Ул- туган ягымның күренекле шәхесе" исемле проект якладылар. Әлеге проект эшчәнлеге туган ягыбызда туып үскән атаклы шәхесләребезнең торышын һәм иҗат юлын өйрәнүне күз уңында тотып башкарылды. Укучылар туган ягыбызның күренекле вәкилләре, сәнгать, фән , спорт өлкәсендә танылган шәхесләре турында горурланып сөйләделәр.Җитәкчеләре- Зарипова Ә.Г.