Бүген кышкы лагер үз эшен тәмамлады. Балалар җырлап-биеп күңел ачты, киләсе очрашуларга хәтле саубуллашты.

Мәктәптә укучылар өчен Яңа ел кичәсе үтте. Җырлап-биеп күңел ачтык,бүләкләр өләштек. Бәйрәм истәлекле үтте.

Укучылар бер атна дәвамында уйнап рәхәтләнеп ял итәчәк. Саф һава, физик күнегүләр, тәмле ризык белән сәламәтлекләрен ныгытачак

Чирмешәннән килгән олы кунак Лилия Рәис кызы белән берлектә ЮИД хәрәкәте уен рәвешендә янәдән юл кагыйдәләрен, беренче ярдәм күрсәтүне искә төшерделәр. "Тургай" балалар бакчасы сабыйлары өчен чара бик истәлекле булды.

Өлкән сыйныф укучылары тарихи паркка сәяхәт кылдылар. Монда аларны Бөек Ватан сыгышына кагылышлы экспонатлар белән, Россия тарихы белән таныштырдылар.

Районыбызда "Яшь гражданнар форумы" булып үтте. Төрле мәктәпләрдән җыелган актив укучылар үзләрен төрле тирәлекләрдә сынап карадылар. Соңыннан иң актив укучылар грамоталар белән бүләкләнде. Безнең мәктәптән Илюзә грамотага лаеклы булды. 

Илебездә бу көн зурлап үткәрелә. Укучылар сыйныф сәгатендә әлеге датаны янәдән исләренә төшерде, видеофильм, җанлы әңгәмә рәвешендә белемнәрен ныгыттылар. Соңыннан Җиңү һәйкәле янын кардан чистарттылар. 

Сылу, гүзәл, сөйкемле әниләребезгә бүген бәйрәм ясадык. Бию, җыр, театральләштерелгән тамаша аша аларга мәхәббәтебезне җиткердек. Һәрчак йөзләрегездән елмаю китмәсен, кайгы-хәсрәт сезне читләп үтсен, кадерлеләребез!

Укытучылар укучыларга коррупция турында һәрчак сөйләп, аңлатып торалар. Бүген дә башлангыч сыйныфларга әлеге темага карата сыйныф сәгате уздырылды.