Мәктәптә Космонавтлар көненә багышланган чаралар үткәрелде. Рәсем һәм кул эшләре күргәзмәсе, сыйныф сәгатьләре, "Гагарин елмаюы" акциясе-болар бар да укучыларга бу хезмәт кешеләренең батырлыгын, фидәкарь хезмәтен искә төшерү, алар өчен горурлык хисе уяту өчен эшләнде. 

Бүген Яңа Чишмә мәдәният йортында Республикакүләм балалар халык иҗаты фестиваль-бәйгесенең район сайлап алу туры үтте. Монда 2нче сыйныф укучысы Миначева Л. бию буенча 1нче урынга лаеклы булды.

Рус теле укытучысы, 7нче сыйныфларның сыйныф җитәкчесе "Сыныф җитәкчесе" номинациясендә зона турында Яңа Чишмә данын яклады. Ул сыйныф җитәкчесе буларак осталыгын күрсәтте.

Җылы кояш нурларына төренеп, йөгерек гөрләвекләре белән йөгереп язның беренче ае — март та килеп җитте.
Барыбызга да билгеле әлеге айның иң матур иң олы бәйрәме — СИГЕЗЕНЧЕ МАРТ — ХАЛЫКАРА ХАТЫН КЫЗЛАР КӨНЕ.
Хөрмәтле гүзәл затлар! Табигатнең суыктан җылылык чорына омтылган мизгеленә туры килгән бәйрәмегез һәрвакыт җылы матур истәлекләр генә калдырсын.

Бөтендөнья хатын-кызлар көне уңаеннан балалар өчен "Күңелле старт" бәйгесе үтте. Монда безнең мәктәп командасы 3 урынга лаек булды.

Беренче сыйныф укучылары Әлифба китабы белән хушлашты. Алар бөтен хәрефләрне өйрәнеп, олы белем юлына юл тоттылар. 

Ай буена татар теле укытучысы белән 7нче сыйныф укучысы әдәби әсәрләр укып, интернет челтәрендә кичергән кичерешләре белән уртаклаштылар. Финалга 21 көн дәвамында онлайн-марафонда барлык таләпләрне үтәп катнашкан китап укучылар чакырылды. Финал тантанасында, дипломнар һәм бүләкләр тапшыру белән беррәттән, танылган татар язучылары һәм шагыйрьләр белән очрашу үткәрелде, Татарстан китап нәшриятында яңа нәшер ителгән китаплар белән таныштыру оештырылды.

Башлангыч сыйныф укучылары фәнни-гамәли конференциядә чыгыш ясадылар. Алар жюрига үзләренең проект эшләрен тәгъдим иттеләр.

Ватанны саклаучылар көненә багышлап мәктәптә маршировка, бәйрәм концерты,"Ягез әле, егетләр!" кебек чаралар оештырылды.

21 февраль – Халыкара туган тел көне. Бүген дөнья халыклары алты мең телдә сөйләшә. Шуның яртысы диярлек юкка чыгу куркынычы астында тора. Туган тел – беренче тапкыр әти, әни дигән тел. Һәр милләт кешесе дөньяны беренче тапкыр туган теле аркылы аңлый башлый, дөньядагы иң матур, иң изге сүзләрне күп вакыт үз телендә ишетә, шул телдә әйтә, шушы телдә шатлана, куана. Бүген балаларның үз телләрендә һәм татар телендә никадәр матур итеп сөйләгәннәрен, никадәр матур итеп җырлаганнарын тыңладык. Алар викторинада катнашты, шигырләр сөйләде.