4 нче май көнне гимназиябездә зур бәйрәм үтте. Урта һәм югары сыйныф укучылары Бөек Җиңүнең 72 еллыгына багышланган иҗади проект эшләрен якладылар.

5А һәм 5Б сыныфы укучылары Пионерларга кабул итү сценкасын күрсәттеләр, аларның тарихы һәм атрибутикалары белән таныштырып киттеләр. 

6А, 6Б һәм 7Б  сыйныф укучылары Полк уллары турында чыгыш ясап, сугыш чорындагы балаларның батырлыклары, соңгы сулышларына кадәр илгә тугры булып күрсәткән геройлыклары турында искиткеч матур чыгышлар ясап, бик күп яңа мәгълүмат бирделәр. 

7А сыйныфы укучылары якташыбыз Кашаф Гыймадиев һәм аның Бөек Ватан сугышына керткән өлеше турында бик матур чыгыш ясадылар.

8А сыйныфы укучылары тамашачыларда аерычу нык тәэсир калдырды, чөнки алар 15 минутлык театраль өзек аша безне сугышның беренче көнендә, сугыш барган чорда һәм зур авырлыклар аша килеп, әмма чиксез бәхет, сөенеч алып килгән Җиңү таңында яшәттеләр.

8Б сыйныфы укучылары тыл хезмәтчәне, гимназиябездә күп еллар тугры хезмәт куйган Гарипов Арслангали Мөхәммәтшакир улыннан алган интервью белән таныштырып киттеләр. Бу видеотасмадан гимназиябез укучылары сугыш чорының барлык  авырлыкларын үз җилкәсендә татыган Арслангали абыйдан ишеттеләр. Бу интервью балалар күңелендә зур тәэсир калдырды.

10 сыйныф укучылары сугыш чоры җырларын башкарып, аларның тарихы белән таныштырып киттеләр. Искиткеч матур тавышлары белән күңелләргә үтеп керделәр.

Шушы зур чараны оештырып, балаларыбызны югары дәрәҗәдә әзерләп, патриотик тәрбиягә зур әһәмият биргән өчен барлык сыйныф җитәкчеләренә администрация зур рәхмәтен белдерә.

3 нче май көнне гимназиябездә зур бәйрәм үтте. Башлангыч сыйныф укучылары Бөек Җиңүнең 72 еллыгына багышланган иҗади проект эшләрен якладылар.

1А, 1Б һәм 1В сыныфы укучылары Октябрятларга кабул итү сценкасын күрсәттеләр, аларның тарихы һәм атрибутикалары белән таныштырып киттеләр. 

2А, 2Б, 2В, 3Б һәм 4А  сыйныф укучылары безнең якташ фронтовик язучыларыбызның Бөек Ватан сугышына керткән өлеше турында искиткеч чыгыш ясадылар. Бу чыгыштан укучылар Газинур Гафиятуллин, Абдулла Алиш, Фатих Кәрим, Сибгат Хәким, Муса Җәлил кебек геройларыбыз турында бик күп яңа мәгълүмат алдылар.

3А сыйныфы укучылары сугыш темасына багышланган театраль өзек куйдылар. Кечкенә булуларына карамастан, алар сугыш чорының барлык афәтен тамашачы күңеленә җиткереп, аларны таң калдырдылар.

4Б сыйныфы укучылары якташыбыз, Советлар Союзы герое, Генерал- майор Сафиуллин Гани һәм аның Бөек Ватан сугышына керткән өлеше турында бик матур чыгыш ясадылар.

Шушы зур чараны оештырып, балаларыбызны югары дәрәҗәдә әзерләп, патриотик тәрбиягә зур әһәмият биргән өчен барлык сыйныф җитәкчеләренә администрация зур рәхмәтен белдерә.

1 нче апрельда башкалабызда территория чистарту буенча ике айлык  старт алды. Бензнең гимназия дә бу акциядә бик теләп катнаша. Гимназиябез һәм аңа беркетелгән территорияны укучыларыбыз һәм укытучыларыбыз бик теләп чистарттылар, тирә- юнебезне матурладылар. Хәзер гимназиябез территориясен яшелләндерү, чәчәкләргә күмү өстендә эш алып барыла.

Гимназиябезнең 7А һәм 7Б сыйныфы укучылары 22 нче апрель көнне Республикакүләм Tatar Dozor квест уенында катнаштылар.Безнең командабызның җитәкчесе югары категорияле татар теле һәм әдәбияты укытучысы Валияхмәтова Гөлназ Мәҗитовна. Бу уен татар халкының шагыйре Дәрдмәнгә багышланган иде. Акциянең төп максаты  булып яшь буында милли мәдәниятне, туган телне үстерү  һәм саклап калу куелган иде.

9 нчы май– Җиңү көне уңаеннан гимназиябездә күп кенә чаралар башкарыла. 21 нче апрель  көнне без район күләмендә үткән “По следам Победы” бәйгесендә катнаштык. Бу бәйге өчен патриотик тәрбия буенча презентация ясалырга тиеш иде, ул безнең ясалды һәм уңышлы итеп якланды да. Шулай ук патриотик почмак әзерләнде. Укучыларыбыз комиссия әгъзаларын генерал Сафиуллин Г.Б. тормыш юлы, сугыштагы хезмәтләре һәм алган дәрәҗәләре белән таныштырып үтте.

Кыска гына вакыт эчендә әти– әниләрнең, укытучыларның, укучыларның тырышлыгы ярдәмендә музей почмагы да оештырылды. Бирегә нинди генә экспонатлар алып килмәделәр: пилотка, каеш, военный билет, китель, фляжкалар, төрледән төрле медальләр, чигүле калфак, сөлге, кулъяулыклар, хәтта фронт корреспондентларының үзара язышкан хатларның төп нөсхәләренә кадәр бар иде.

Шулай итеп конкурсның 3 этабын без уңышлы гына үттек. Ә хәзер исә, зур түземсезлек белән нәтиҗәләрне көтәбез.

Безгә булышкан, экспонатлар җыешкан, сөйләгән укучыларга ЗУР РӘХМӘТебезне җиткерәбез. Алга таба да сезнең белән, әти– әниләрегез, укытучыларыгыз белән шулай дус булып, ярдәмләшеп яшик. Бергә, бердәм булганда без барлык сынауларны да җиңел генә үтеп, югары үрләргә ирешәчәкбез.

19 нчы апрель көнне “Дуслашу” балалар оешмасы активисты Сәмигуллина Әминә һәм педагог– оештыручы Закирова А.Х. Ветераннар йортында узган хәйрия концертында катнаштылар. Биредә алар бию һәм җыр номерлары әзерләп, ветераннар алдында чыгыш ясап, аларга үзләренең йөрәк җылыларын, күтәренке кәефләрен бүләк итеп кайттылар.

Кичә гимназиядә космонавтика көне булып узды. Барлык сыйныфларда да сыйныф сәгатьләре, тематик дәресләр үткәрелде. "Космик хыял" темасы буенча рәсемнәр, плакат- макетлар күргәзмәсе булып узды.

Во исполнении приказа Управления образования образования от 30.03. 2017г. №278 "О принятии мер по недопущению ситуаций, угрожающих жизни и здоровью учащихся", на основании приказа ОУО ИКМО г. Казани по Вахитовскому и Приволжскому районам от 04.04. 2017г. № 289 "Об усилении мер безопасности и пропускного режима на территории образовательных учреждений", в целях антитеррористической укрепленности, осуществления комплексорганизационных и профилактических мер по обеспечению безопасности жизни и здоровья учащихся, предотвращения опасных проявлений и чрезвычайных ситуаций в гимназии была проведена линейка с учащимися, направленная на обеспечение безопасности, пресечение противоправных действий, возможных террористических актов и др. тяжких преступлений.

 В соответствии с Планом- графиком по подготовке к ОГЭ, в целях подготовки лиц, привлекаемых к организации и проведению ГИА 6 апреля в гимназии прошло обучение работников ППЭ и классных руководителй 9-11 классов.

Гимназиябезнең укучылары һәм аларның ата- аналары 6 нчы апрель көнне үткән “Макулатураның һәр килограммы үсеп утыручы агачны киселүдән саклап кала” дигән акциядә бик теләп катнаштылар. Барлыгы 3718 килограмм 100 грамм тотылган кәгазь җыелган булса, аның 613 килограммын 2А сыйныфы укучылары җыеп тапшырдылар. Бу акциядә катнашкан барлык кешеләргә дә бик зур рәхмәтебезне белдерәбез.