Бүген, мәктәбебезнең “Лидерлык нигезләре”,”Вокал-хор”,”Бию” түгәрәкләрендә йөрүче укучылар белән берлектә “Нәүрүз бәйрәме” нә багышланган флеш-моб узды.Флеш-мобтан соң Кыш бабай белән Нәүрүзбикә укучылар белән уеннар уйнаттылар. Кыш бабайның бәйрәмнән бердә китәсе килмәде, ләкин алда матур, кояшлы,яңгырлы яз көтә. Соңыннан Кыш бабай белән Нәүрүзбикә барлык мәктәпкә күчтәнәчләр тараттылар. Укучыларга чара бик ошады. Мондый флеш-мобларны ешрак үткәрергә дигән нәтиҗәгә килдек.

28 марта 2016 года на территории ГАОУ «Технопарк в сфере высоких технологий «ИТ-парк» прошло образовательное мероприятие – «День программирования с LEGO Education».

День программирования с LEGO Education посвящен практической демонстрации возможностей робототехнических наборов LEGO Education при изучении информатики и программирования в школе.  На этом мероприятии приняли  участие ученики нашей школы Закиров И. и Гилазиева З. под руководством учителя информатики Гилазиева Р.Ш.

Бүген, мәктәбебезнең “Лидерлык нигезләре” түгәрәгенә йөрүче укучылар белән төрле уеннар уйнадык, дуслашу максатыннан башка мәктәп укучыларына хат яздык, мөһим мәсьәләләр турында сөйләштек. Соңыннан өстәл артында тәмләп чәй эчтек. Кыскасы, күңелле генә ял иттек.

Мәктәбебезнең “Лидерлык нигезләре” түгәрәгенә йөрүче укучылар белән «Детская Волна Мира» - «Сhirdren’s Wave оf Peace» акциясендә катнаштык. Һәм шушы көннәрдә  Американың Айова, Нью- Йорк, Вашингтон штатларының мәктәпләренә хат юлладык.Балалар тынычлык теләп открыткаларга рәсемнәр ясадылар, хат яздылар,  тынычлык яклы икәнлекләрен белдереп, үзләренең һәм гаиләләре белән төшкән фотоларын урнаштырдылар.Илебездә сугышлар булмасын, күкләребез аяз, дөньяларыбыз имин булсын, сабыйларның шат авазлары яңгырап торсын! Без тынычлык яклы!!!

Бәхетле без бу дөньяда

Әти-әни булганга.

Туган җирем күкләренең

Күге аяз булганга.

Бәхет кайда?

Безнең өчен

Ул бары янда гына.

Әти-әниле булу

Зур бәхет ул дөньяда.

 Мәктәбебездә уздырылган  әти-әниләр конференциясе шушындый юллар белән башланып китте. Конференциясенең беренче өлешендә укучылар көче белән әзерләнгән концерт булды. Икенче өлешендә “Сәламәт яшәү рәвеше тәрбиясе: туберкулез авыруын кисәтү”темасы буенча балалар шәфкать туташы Фәхриева Фирдинә Әхмәтсафа кызы чыгыш ясады. Конференциягә район мәгариф бүлеге җитәкчесе Садыйков Илсур Мансур улы килгән иде. Ул укучыларың БДИ на әзерлекләре, шулай ук әти-әниләр белән бала арасындагы мөнәсәбәтләре турында сөйләде. Мәктәбебез директоры Сәләхиев Нәкыйф Юныс улы мәктәп тормышы һәм киләчәккә планнар белән таныштырды. Шулай ук Котлы Бүкәш авыл җирлеге башлыгы Нәҗипов Рәшит Гәзиз улы да шушы мәсьәләләр хакында сөйләде. Конференция тәмамлангач, әти-әниләр сыйныфларга таралдылар.

Бүген, иртәнге линейкада мәктәбебез директоры Сәләхиев Нәкыйф Юныс улы укучыларны язгы  каникулга киткәнче тагын бер кат куркычсызлык кагыйдәләре белән таныштырып үтте. 

4 нче класс укучысыбыз Шайдуллина З. Клара Булатова иҗатына багышланган XI “Дулкыннар” Республика бәйгесенең “Нәфис сүз” номинациясендә җиңү яулады. Зиләгә сәламәтлек һәм иҗади уңышлар телибез! Аның укытучысы Гөлнара Миннемуловнага һәм әти-әнисенә зур рәхмәтебезне белдерәбез. 

Район балалар иҗат үзәгендә “Иң шәп вожатый» бәйгесе булды.Мәктәбебездән 8нче сыйныф укучысы Газина Эльвина катнашты. Ә Эльвинага ярдәм итәргә сыйныфташ кызлары Вафина Ләйсән белән Гилазова Гадилә бардылар. Алар Эльвинага зур ярдәм иттеләр.Быел бәйге башка елгыларга караганда үзгәрәк,авыррак иде. Шуңа да карамастан катнашучы кызлар үзләрен бик иркен тоттылар, югалып калмадылар. Бәйгедә барлыгы 10 кыз катнашты. Эльвина III дәрәҗә дипломга лаек булды. Аны  шушы җиңүе белән котлыйбыз.Киләчәктә дә уңышлар юлдаш булсын!

Мәшһүр татар шагыйрәсе Клара Булатова иҗатына багышланган XI “Дулкыннар” бәйгесенең Республика туры булды. Мәктәбебездән Новикова Милена,Степанова Вераника,Шәйдуллина Зилә, Гайсина Гөлия, Зиннатова Дилә уңышлы гына катнашып кайттылар. Ә Шәйдуллина Зилә икенче көнне булачак Гала- концертка үтте. Зиләгә уңышлар теләп калабыз!

Әнкәй сиңа бүләк итәм

Бөтен дөнья гөлләрен.

Юллар кебек озын булсын

Әнкәем гомерләрең.

        Урамда яз җилләре исә, яз исе сизелә. Яз битләребезгә  үзенең җылысын өрә. Үзенең сихри көчләре белән кешеләр күңеленә үк үтеп керә. Бәлки яз көне әниләребезнең бәйрәме булганга  шулай матурдыр ул? Барлык гүзәл затларны чын күңелдән бәйрәм белән тәбрик итәбез. Йөзләрегездән һәм күңелләрегездән шатлык хисләре китмәсен! Балаларыгызның үз куллары белән эшләгән бүләкләрен зур ихтирам белән  кабул итегез.