28 апрель көнне безнең "Әллүки" балалар бакчасында гомуми ата-аналар җыелышы булып үтте. Темасы: "Балалар бакчасында коорупциягә каршы күзаллауны формалаштыру". Беренче көн тәртибе буенча мөдир Мөхәрләмова Ә.Ш. чыгыш ясады. Әти-әниләрне кысыксындырган сорауларга җавап бирде. Икенче көн тәртибендә Габдулла Тукайның тууына 130 ел тулу уңаеннан мәктәпкә хәзерлек төркеме балалары "Кәҗә белән сарык" әкиятен сәхнәләштереп күрсәттеләр. Балалар тарафыннан күрсәтелгән әкиятне әти-әниләр бик җылы кабул иттеләр. Соңыннан балалар, әти-әниләр һәм бакчабыз хезмәткәрләре "Туган тел" җырын бергәләп башкардылар.

Мәктәпкә хәзерлек төркеменең әти-әниләр җыелышында тәрбиячеләр Абубакирова Райлә Габделәхәтовна һәм Шакирова Эльвира Альфредовна балаларга өстәмә белем бирү буенча эшчәнлекләренә нәтиҗә ясадылар. Райлә Габделәхәтовна "Без театр уйнарга яратабыз" өстәмә белем бирү эшчәнлегенең йомгаклау чарасы итеп әти-әниләргә Г.Тукайның "Кәҗә белән Сарык" әкиятен балалар белән сәхнәләштереп күрсәттеләр. Һәр баланың рольгә керә белү,  аларның сәнгатьле сөйләм осталыкларына әти-әниләр соклануларын  белдерделәр.

Тәрбияче Шакирова Эльвира Альфредовна "Оста куллар" өстәмә белем бирү эшчәнлеген йомгаклап, авыр сугыш елларында чагыштыргысыз патриотизм, батырлык һәм каһарманлык күрсәтеп кешелек дөньясының киләчәген яклап, саклап калган ветераннарыбызга, яу кырларыннан кайтмаганнарга  хөрмәт күрсәтү, аларны искә алу  максатыннан, якынлашып килүче Җиңү бәйрәменә карата әти-әниләргә балалар белән открытка ясауны тәкъдим итте. Открыткада ак күгәрчен (тынычлык кошы), Георгий тасмасы (Җиңү көне символы, биколор), кызыл канәфер чәчәкләре (хәтер һәм рәхмәт символы) чагылыш тапты.                        

Һәр туар таң җирдә тыныч булсын,

Имин булсын иде дөньялар.

Аяз күгебезне болыт капламасын,

Балкып торсын күктә йолдызлар,

Елмайсыннар җирдә сабыйлар!

26 апрель - татар халкының бөек шагыйре Г.Тукайның туган көне. Быел татар дөньясы аның 130 еллыгын билгеләп үтә. Шул уңайдан Г.Тукайның күпкырлы иҗатына кызыксыну уяту, аның тормыш юлы һәм иҗаты белән таныштыру максатыннан зурлар төркемендә (тәрбиячеләр Гараева М.М., Шакирова Э.А.) әти -әниләр җыелышы уен-викторина белән башланып китте. Тәрбияче Гараева Мәдинә Мансуровна презентация ярдәмендә әти-әниләргә төрле сораулар бирде, таныш әдәби сюжетлар буенча белемнәрен чарлады. Аннары әти-әниләргә уку елы дәверендә балалар белән үткәрелгән эшчәнлек турында презентация тәкъдим ителде. Җыелыш ахырында әти-әниләр үзләрен  кызыксындырган сорауларга тәрбиячеләрдән җаваплар  алдылар, фикерләштеләр.

Безнең "Әллүки" балалар бакчасының мәктәпкә хәзерлек төркеме балалары Габдулла Тукайга 130 ел тулу уңаеннан үткәрелгән чарада катнаштылар. Бәйрәм Шәүкәт Биктимиров исемендәге район мәдәният йортында үткәрелде. Шарифуллина Әдилә башкаруында Габдулла Тукайның "Шаян песи" шигырен тамашачылар бик җылы кабул иттеләр. Бәйрәм " Туган тел" җыры белән тәмамланды.

Максат: Татар халкының бөек шагыйре Г.Тукайның тормышы һәм иҗаты белән таныштыруны дәвам итү. Балаларда аның иҗаты шигырләре, әкиятләре аша туган телгә кызыксыну һәм мәхәббәт тәрбияләү.Чираттагы уздырылган әти-әниләр җыелышында үткәрелгән уртанчылар төркемендә (тәрбиячеләр Солтанова Г.Г. һәм Ибатуллина И.С.) белән берлектә  сөйләм үсеше һәм танып белү үсеше буенча Г.Тукайның 130 еллыгына багышланган эшчәнлектә балалар үз белемнәрен осталыкларын күрсәттеләр,Г.Тукай шигырьләре ” Бала белән күбәләк” “Кызыклы шәкерт” “Гали белән кәҗә “Ел фасыл-      ларын “ сөйләделәр, проектор аша шагыйрнең   язмаларын карадылар ,икенче өлештә әти-әниләр белән берлектә  балаларга өйрәтелгән биремнәрне үтәп викторина буенча җаваплар таптылар,Яраткан шагыйребез Г.Тукайның иҗаты балалар күңелендә мәңге сакланыр,истә калыр.

Яшь буынны тәрбиләүдә әдәби әсәрләр куллану нәтиҗәле алымнардан санала. Матур әдәбият әсәрләре баланы дөньяны танып белергә, табигатьнең матурлыгын күрергә, туганлык хисләре уятырга, үсемлекләр, хайваннар дөньясын яратырга өйрәтә. Бакчабызда даими рәвештә балалар язучылары әсәрләрен эшчәнлекләрдә киң кулланып эшлибез. "Балалар әдипләре" атналыгы кысаларында зурлар төркемендә (тәрбиячеләре Гараева Мәдинә Мансуровна) яраткан әдипләребез әсәрләренә нигезләнеп эшләнгән мультфильмнар, әкиятләр карадык. Бөек шагыйребез Г.Тукайның әдәпле булырга өйрәтүче әкият-шигырьләре күңелләрдә матур эз калдырды.

Быел бөек татар шагыйре Габдулла Тукайның тууына 130 ел була. Аның туган көне 26 нчы апрель көнне үткәрелсәдә, безнең "Әллүки" балалар бакчасында инде төрле чаралар уздырыла башлады . Бакчабызда эшләүче тәрбиячеләр һәм педагоглар  тарафыннан "Тукайга - 130 ел" дип исемләнгән рәсем күргәзмәсе оештырылды. Рәсемнәрен тәгъдим иттеләр: Абубакирова Р.Г. "Бәхетле бала"; Ахтямова Р.М. "Бала белән күбәләк"; Валиева Л.И. "Бишек җыры"; Ибатуллина И.С. "Кәҗә белән сарык"; Солтанова Г.Г. "Шүрәле"; Шакирова Э.А. "Кызыклы шәкерт"; Шарипова Ф.М. "Кәҗә белән сарык"; Хайретдинова Г.М. "Төлке һәм  йөзем җимеше"; Широва Г.Г. " Гали белән кәҗә"; Гараева М.М. "Эш беткәч уйнарга ярый". 

21 апрель көнне 2нче кечкенәләр төркеменең чираттагы әти-әниләр җыелышы үтте.Тугәрәк өстәл артында узара аралашу формасында оештырылды.Тәрбияче Ахтямова Р.М. үтеп барган уку елына нәтиҗәләр ясады,балаларның унышлары белән уртаклашты.Бөек шагыйребез-Габдулла Тукай туган көне унаеннан,аны искә алып  "Тукай мәнге безнең күңелләрдә" темасына призентация үткәрелде.

I нче кечкенәләр төркемендә әти-әниләр җыелышы булып үтте. Төркемдә алып барыла торган “Хәрәкәттә - бәрәкәт” түгәрәге эшчәнлегенә йомгак ясалды. Тәрбияче Хайрутдинова Г.М. уеннарның тәрбия чарасы булуын, баланың шәхес булып формалашуына зур йогынты  ясавын, психик үсешенә ярдәм итүен, кечкенәдән алынган хәрәкәт күнекмәләре балаларга тышкы дөнья белән тирәнрәк танышырга ярдәм итүен ассызыклап үтте. Әти-әниләр белән “Песи һәм чыпчыклар” хәрәкәтле уены оештырылды. Икенче көн тәртибе буенча бөек шагыйребез Г.Тукайның 130 еллыгына багышланган уен – викторина үткәрелде. Әти-әниләр бик теләп катнаштылар. Өченче көн тәртибе буенча тәрбияче төркем тормышы белән таныштырды, киңәшләр бирде. Җыелыш күңелле һәм файдалы үтте.