Тәрбияче якты кояш кебек,

Күңелләрне назлап җылыта

Авыр чакта ярдәм кулы суза,

Сабыр сүзе белән юата.

             Уйларыгыз изге, сабыйларның

            Күңеленә барып ялгана.

            Күпме хисләр кирәк алар өчен,

            Ял-йокыңны онытып янарга.

"Тәрбиячеләр көне" уңаеннан тәрбиячеләр һәм балалар белән берлектә "Угадай мелодию" дигән күңел ачу чарасы үткәрелде. Балалар тәрбиячеләрне котлап җырлар,  биюләр башкардылар, ә тәрбиячеләр үзләренең осталыкларын күрсәттеләр. 

"Кабак бәйрәме"нә әзерләнүдә ярдәм күрсәткән барлык әти-әниләргә рәхмәтебезне җиткерәбез,  уңышлар теләп калабыз.

"Кабак бәйрәме"ндә балалар "Иркә песиләр" биюе белән чыгыш ясадылар. Җитәкчеләре Лилия Валиева һәм Гүзәл Халиуллина.

"Кабак бәйрәме"нең нәтиҗәләре: "Иң матур композицияләр",  "Иң яхшы концерт номеры" , "Иң актив гаилә" номинацияләренә грамоталар.

Килеп җитте алтын көз,

Уңыш җыеп алдык без.

Кемнәр нәрсә үстергән,

Кемнәр нәрсә өлгерткән.

Без үстердек бер кабак,

Әйтерсең лә зур табак.

Дуслар күреп шаккатты,

Шакатты тел шартлатты.

Бүген районыбызның үзәк мәйданында "Кабак бәйрәме" булып үтте. Безнең коллектив та бу бәйрәмдә бик теләп катнашты.

Зур үсеп илебезнең тулы хокуклы гражданинына әверелгәч, һәркемнең матур һәм ышанычлы машина аласы килә. Шуңа күрә кечкенәдән үк юл хәрәкәте әлифбасын үзләштерергә кирәк. Шушыларны истә тотып юл йөрү кагыйдәләрен өйрәнү балалар бакчасыннан ук башланырга тиеш. Әлеге эш буенча безнең "Әллүки" балалар бакчасында  максатчан эш алып барыла. Бүген тәрбияче Шарипова Фәридә Миннислам кызы мәктәпкә хәзерлек төркеме  балалары белән "Юл билгеләре иленә сәяхәт" дип исемләнгән күңел ачу чарасы күрсәттеләр. Балалар юл йөрү кагыйдәләрен бозган Барбоскинга юл йөрү кагыйдәләрен, сервис билгеләренең нәрсә аңлатуларын, юлда үзеңне ничек тотарга кирәклеген өйрәттеләр. Бәйрәм күңелле уеннар, җырлар, шигырьләр, биюләр белән үрелеп барды. Кунак булып килгән ГИБДД хезмәткәрләре Закиров Динар Рамилевич, Насыбуллин Илнур Дамирович төрле сораулар биреп, видеофильм күрсәтеп балаларның белемнәрен тагын да ныгыттылар. Чара бик күңелле булды.

Бу атнада бакчабызда "Татарстан дуслык иле"дип исемләнгән атналык булып үтте.Атналык барышында балалар белән Татарстаның күп милләтле респуб-

ка булуы,аның географик урыны,йолалары,милли бәйрәмнәре,күренекле шәхесләре белән танышу һәм белемнәрне ныгыту максатыннан әңгәмәләр үткә-

релде,Бүген 11 сентябрь көнне шушы атналыкны йомгаклап "Без яшибез дуслык илендә"дип исемләнгән күңел ачу чарасы үткәрелде.Бәйрәм барышында

Татарстанда яшәүче төрле милләт кешеләреннң милли киемнәре,бәйрәмнәре,чәй эчү йолалары турында шигырьләр сөйләп,җырлар җырладык.Шушы миз-

гелләрне чагылдырган слайд карадык.Бәйрәм бик күңелле булды.

Воспитатель по обучению детей русскому и английскому языкам  Широва Г.Г. поделилась опытом с педагогом Нигъматзянововой Г.Т. из детского сада «Балачак». Воспитатель отправилась со своими воспитанниками в волшебный мир игрушек, где их ждали красивые,  любимые детьми игрушки. Целью образовательной деятельности является расширение словарного запаса, работа над артикуляцией, развитие свободного общения со взрослыми и  развитие мелкой моторики, применение в речи считалок, скороговорок, повторение счёта и развитие двигательной активности.  

Сабаның "Олимп" стадионында "Скверлар һәм парклар" көненә багышлап район ярышлары булып китте.  Бу ярышларның максаты - сәламәт яшәү рәвешен пропагандалау. Әти-әниләр, балалар, тәрбиячеләр бик теләп катнаштылар. Стадионда чын бәйрәм хисе иде. Җырлар, биюләр, уеннар, рәсем ясаулар оештырылган. Барыбызда рәхәтләнеп ял итеп кайттык. Бу ярышларда катнашкан барлык балаларга һәм әти-әниләргә рәхмәтебезне җиткерәбез! Шулай актив катнашуларыгызны теләп калабыз!

1-4 сентябрь"Күңелле балачак" атналыгы исеме астында үтте. Төркемнәрдә балалар белән "Минем бакчам" дигән темага карата сөйләшүләр, рәсем, кисеп ябыштыру шөгыльләре үтте.Балалар бакчасына  ярату хисләре тәрбияләү, балаларда үз-үзеңне тоту кагыйдәләрен формалаштыру, ягымлы сүзләр куллану хисабына сүзлек байлыгын  активлаштыру, балаларда дустанә мөнәсәбәт тәрбияләү өстендә эш алып барылды.Уен мәйданчыкларында төрле кызыклы хәрәкәтле уеннар оештырылды.Йомгаклау чарасы итеп асфальтта рәсемнәр ясалды.