Ежегодно  среди педагогов дошкольных образовательных учреждений проводится профессиональный  конкурс “Воспитатель года”. Основными целями конкурса являются развитие и совершенствование системы дошкольного образования, пропаганда и распространение инновационных подходов к организации работы с детьми дошкольного возраста.                       В районном этапе конкурса приняла участие  и воспитатель нашего детского сада Хайрутдинова Гульнур Махмутовна. Сегодня в детском саду №1 “Шатлык” Гульнур Махмутовна с детьми старшей группы  членам оргкомитета конкурса  представила  открытую непосредственно образовательную деятельность на тему “Ямьле яз килә”.  Поздравляем Гульнур Махмутовну с успешным проведением образовательной деятельности! Желаем дальнейших  творческих успехов в работе!

Хөрмәтле хезмәттәшләребез!!! Март аенда туган көннәре булган Гөлнур Широва , Гөлчирә Хабибуллина, Әлфия Галиева, Фәрхәнә Гарифуллина. Сезне туган көнегез белән котлыйбыз. Сезгә зур уңышлар, бәхет, шатлык телибез.

Тәбриклибез сезне чын күңелдән

Котлы булсын туган көнегез

Кайгы-хәсрәт сезне читләп үтсен

Шау бәхеткә тулсын өегез

Бүлешәбез барлык шатлыкларны,

Бөтенебез бергә  җыелып.

Гомерегезнең олы вакыйгасы

Күңелләрдә калсын уелып.

Көннәр аяз, күктән алсу

Нур сибеп, кояш көлә.

Җиргә тама көмеш тамчы –

Сагынып көткән яз килә!

Кышның салкыннарыннан соң язны сагынып көтеп алабыз. Яз кояшы елмаеп карау белән, бөтен табигать кышкы йокысыннан уяна башлый. Туган ягыбызда була торган язгы табигать күренешләренә соклану хисләре тәрбияләү, табигатьтәге бәйләнешләрне аңлата белү күнекмәләрен камилләштерү, әйләнә-тирә дөньяга эстетик мөнәсәбәт формалаштыру, яз турында белемнәрен мөстәкыйль эшчәнлектә иҗади куллана белү күнекмәләрен үстерү максатыннан   балалар белем бирү эшчәнлекләрендә, күзәтүләр, уеннар вакытында  яз турында эндәшләр, тизәйткечләр, мәкальләр, әйтемнәр, сынамышлар өйрәнделәр.

Язның байлыгы – кояш, көзнең байлыгы – уңыш.

Язгы көн ел туйдыра.                                                         

      1999 нчы елның ноябрендә ЮНЕСКО Генераль конференциясе, ЮНЕСКО әгъзалары булган илләр һәм Берләшкән Милләтләр оешмасы тарафыннан     21 февраль көнен  Туган тел көне дип игълан итә. Һәр милләт кешесе өчен иң матур, иң кадерле тел – үзенең туган теле.  Телләрне саклау һәм үстерү максатыннан уздырыла торган бу бәйрәм елдан-ел үзенең даирәсен киңәйтә бара. Балаларның игътибарын телләрне саклау, үстерү мәсъәләләренә юнәлтү йөзеннән төрле ачык чаралар, интеллектуаль уеннар, әңгәмәләр үткәрелә. Бүген безнең балалар бакчасында да  Туган тел көненә карата  чара үткәрелде. Балалар белән уеннар оештырылды, уртанчылар төркеме балалары “Өч кыз”дигән татар халык әкиятен сәхнәләштерделәр.           

Мәктәпкә әзерлек төркеме тәрбиячесе Шәрәфетдинова Фәимә Гәбделбәр кызы "Радуга открытий" дигән Бөтенроссия дистанцион конкурсында катнашып, Сертификатка ия  булды.

Үскәч содат булырмын

Әтием кебек мин дә.

Аның кебек тырышып

Зарядка ясыйм көн дә.

Мәктәпкә әзерлек төркемендә 23 нче февраль - Ватанны саклаучылар көненә карата әтиләр, бабайлар, абыйлар һәм балалар катнашында күңел ачу кичәсе булды. Балалар чыгышы әтиләр һәм бабайларның  уеннарда катнашулары белән үрелеп барды.

23 февраль – Ватанны саклаучылар көне. Безнең бабайлар, әтиләр без тыныч, мул тормышта яшәсен, бәхетле булсын өчен Ватаныбызны саклаган. Бу көнне без якын кешеләребезне, әтиләребезне  бәйрәмнәре белән чын күңелдән котлыйбыз. Безнең балалар бакчасында һәр елны Ватанны саклаучылар көненә карата бәйрәм кичәләре оештырыла. Быел  мәктәпкә әзерлек төркеме балалары белән  “Әтием белән көчле мин”  дип исемләнгән музыкаль кичә әзерләнде. Кичәне төшерергә  "Саба дулкыннары" телевидениесе килде.

Хөрмәтле әти-әниләр!  Телевидение төшергән музыкаль кичәне  26 февраль көнне кичке  17.30 сәгатьтә  карый аласыз.

Дөнья поэзиясе күгендә якты йолдызлардай балкыган шагыйрьләр аз түгел.  Алар арасында азатлык көрәшенең ялкынлы җырчысы, шул көрәштә һәлак булган легендар герой – татар шагыйре Муса Җәлил исеме дә бар. Аның исеме дөньяда  үзенең Ватанына, үз халкына тугрылыклы булуның гүзәл символына әйләнде. Үзенең халыкчан иҗаты, үлемсез шигырьләре белән М.Җәлил якты һәм матур тойгылар тәрбияли, кешеләрдәге һәм тормыштагы матурлыкны күрергә һәм шул матурлык өчен көрәшергә чакыра.                        Балаларның герой-шагыйрь Муса Җәлил турындагы белемнәрен яңа мәгълүмат белән тулыландыру,  шагыйрьнең шигырьләрен дөрес, аңлап,сәнгатьле итеп сөйләү күнекмәләрен үстерү, М.Җәлил әсәрләренә мәхәббәт , алар аша балаларда патриотизм хисләре тәрбияләү максатыннан балалар белән  М.Җәлил әсәрләрен сәхнәләштердек.

Зурлар төркеме балалары Муса Җәлилнең “Карак песи” һәм  “Сәгать” шигырьләрен бик оста итеп сәхнәләштереп күрсәттеләр. 

Муса Җәлил кечкенәдән үк бик тырыш була: яхшы укый, тәртипле бала була. Ул үзенең шигырьләрендә балаларны көлдерә, шатландыра, кешегә начарлык эшләргә ярамаганын аңлата. Мәктәпкә әзерлек төркеме балалары Муса Җәлилнең "Кызыл ромашка" шигырен бигрәк тә яраттылар. 

Төрле авырулардан саклану өчен чыныгу файдалы, һәркем өчен кирәк гамәл. Чыныгу – ул организмның тышкы тирәлектәге температура тирбәлешенә каршы торуга җайлану дигән сүз. Чыныгу сәламәтлекне ныгыта, авыруларны киметә, салкын тиюдән саклый.                                                                                   Бакчабызда кулларны терсәккә кадәр салкын су белән юу, теш чистарту, авыз чайкау, “сәламәтлек сукмагы”ннан йөрү кебек чыныктыру чаралары системалы рәвештә үтә. Балалар белән А.Н.Стрельникова, Ю.Паров методикаларына нигезләнеп сулыш алу күнегүләрен даими үткәрәбез.

2-нче кечкенәләр төркемендә  йокыдан торгач  “сәламәтлек сукмагы”ннан йөрү.

Әй нәниләр, нәниләр,

Аяклары талмыйлар.

“Сәламәтлек сукмагы”ннан

Матур итеп атлыйлар.