Тәрәзәгә күз салсаң, бөтен табигатьне пумала белән сарылы-кызыллы төскә буяп киткәннәр төсле. Бүген мәктәпкә әзерлек төркеме балалары тәрбияче апалары Шамсутдинова Л.М. белән рәсем шөгылендә нәкъ табигатьтәгечә итеп, миләш ботагы ясадылар. Башта миләш ботагының җимешләренең сүрәтләү тәртибен, аннары төсен карадылар. соңыннан рәсемгә төшерү алдыннан альбом битенең кайсы өлешендә урнашачагын билгеләп, чып-чын миләш ботагын рәсемләделәр. Пумала белән ясауның төрле алымнары кулланылды. Шөгыль балаларга бик ошады.

Использование информационно-коммуникационных технологий в детском саду – актуальная проблема современного дошкольного воспитания.Этот современный способ развивает интерес к обучению, воспитывает самостоятельность, развивает интеллектуальную деятельность, позволяет развиваться в духе современности, дает возможность качественно обновить воспитательно-образовательный процесс в ДОУ и повысить его эффективность.

В нашем ДОУ в ходе непосредственной образовательной деятельности воспитатели активно используют ИКТ-технологии. Так, например, день у нас начинается с утренней гимнастики, которую дети делают с помощью интерактивной доски.

Буген зурлар төркеме балалары кабаттан юл йөрү кагыйдәләрен искә төшерделәр. Тәрбияче Хамидуллина Р.Р. аларны уен аша  юл инспекторы хезмәте белән таныштырды, юл аша светофорның төрләренә, машиналарның юнәлешенә игътибар итәргә кирәк икәненә исләренә төшерде.

Бу атна  "Туган Татарстаным. Яшеллекә күмелгән  туган илем" темасы астында үтте. Йомгаклау чарасы итеп мәктәпкә әзерлек төркеме балалары тәрбиячеләре Шамсутдинова Л.М. һәм музыка җитәкчесе Галимуллина А.Р. белән берлектә "Туган җирем -Татарстан" исемле бәйрәм үткәрелде. Балалар Татарстан, Казан, Татарстан флагы һәм гербы  турында шигырьләр сөйләделәр, матур җырлар җырладылар һәм күңелле уеннар уйнап күрсәттеләр. 

Уртанчылар торкеме физкультура шөгылендә “Без физкультурниклар» дигән исем астында үткәрелгән ярышта катнашу өчен тәрбияче Гараева Ә.М. белән берлектә спорт комплекска юл тоттылар. Алар каршылыклар аша сикерү (кыршаудан-кыршауга), предметлар арасыннан туп тәгәрәтү кебек ярышларда бик теләп катнаштылар. Балалар өлгерлектә, җитезлектә, чыдамлыкта сынатмадылар.

Бүгенге рәсем шөгылендә зурлар төркеме республикабызның әләмен ясадылар һәм аны кирәкле төсләр кулланып, чиста һәм пөхтә итеп буядылар. Шөгыль барышында алар республикабыз-Татарстан турында кыскача хикәя төзеп сөйләделәр. Шулай ук "Туган җирем-Татарстан" җырын тыңладылар.

Туган илнең нуры булып,

Зәңгәр күктә җилферди.

Яшель, кызыл, ак төсләре

Күз карашын иркәли.

Уртанчылар төркеме балалары кисеп-ябыштыруны бик яраталар. Менә буген дә алар тәрбиячеләре Мухамметшина С.С. белән салфеткаларны бизәделәр. 

Хәрәкәтле уеннар-җитезлеккә, көчкә, зирәклеккә сынау ул. Кечкенә вакытта алынган хәрәкәт күнекмәләре нәниләргә әйләнә-тирә белән якыннан танышырга ярдәм итә. Икенчн кечкенәләр төркеме балалары да тәрбияче апалары Хайриева Г.Т. белән хәрәкәтле уеннар уйнарга яраталар. Аеруча "Куып тот", "Мәче һәм тычканнар", "Төрле төстәге өйләр", "Куян", "Аю һәм бал кортлары" уеннарын бк теләп уйныйлар. Тәрбияче бу уеннарда балаларның бер-берләренә бәрелешмичә төрле юнәлештә йөгерүләрен максат итеп куя.

Мәктәпкә әзерлек төркеме балалары белән тәрбияче Шамсутдинова Л.М. "Квадратта декоратив рәсемләү" темасы астында  рәсем шөгыле үткәрде. Балалар палитрада төсләр ясап, пумала белән төрле чәчәкләр, яфраклар, дугалар рәсемләделәр. Бу бизәкләрнең татар халык бизәкләре икәне аңлатылды.Мондый рәсемләү балаларга бик ошады.   

Тәрбияче Богавеева Г.Ш. зурлар төркемендә "Туган Татарстаным. Яшеллеккә күмелгән туган илем" темасы буенча ана теле  шөгылен үткәрде. Шөгыльнең максаты итеп ул балаларда туган якка карата ярату хисләрен тәрбияләүне, тирә-юнь турындагы белемнәрен киңәйтү исәбенә сүз байлыгын арттыру, активлаштыру, диалогик сөйләмне үстерүне, Татарстан башкаласы Казан турындагы белемнәрен тирәнәйтүне, Татарстан символикасы һәм аның мәгънәсе белән таныштыруны алды. Балалар белән слайдлар һәм рәсемнәр каралды, Татарстан картасы өйрәнелде. "Туган җирем-Татарстан" җыры да тыңланды.