Балаларны физкультурага, спортка, сәламәтләндерү чараларына тарту максатыннан бакчабызда “Сәламәтлек  аланы” театр-спорт кичәсе үткәрелде. Балалар дару үләннәре, сәламәтлек  турында театр куйдылар һәм төрле  спорт, җырлы уеннар уйнадылар. Җәй көне чыныгырга, витаминнар ашарга кирәклегенә  балалар тагы бер кат инандылар.

Бакчабызда  җәйге яллар күңелле үтә. Балалар белән бүген чәчәкләр бәйрәме үткәрелде. Балалар бакчабыз биләмәсендә  һәм башка күп төрле чәчәкләр турында шигырьләр сөйләделәр, чәчәкләр биюләре, җырлар башкардылар. 

Табигатьне саклау hәркемнең бурычы. Без үзебездән соң килгән буынга суларыбызны чиста, hаваларны пычратмыйча, үсемлекләрне hәм кошларны юкка чыгармыйча калдырсак, үзебезнең бурычыбызны үтәгән булырбыз. Яшел дусларны саклыйк. Шул чакта гына без алардан файдалана алырбыз. Тирә – юнебез чиста, ямьле булсын, hәрчак балкып торсын!

Үссен матур чәчәкләр

 Гел кояшка үрелеп

 Балкып торсын җиребез

Яшеллеккә  төрелеп.

"Пряничная Девочка". Так называется спектакль на английском языке, с которым наши дети выступили на Районном конкурсе инсценирования сказки среди воспитанников дошкольных образовательных учреждений, посвященному Международному Дню Защиты Детей.

Бакча белән саубуллашу бәйрәм иртәсенә кунаклар –теннис буенча  тренер Фарход Усманович һәм хоккей буенча тренер Петр Петровичлар килде. Алар балаларга, әти- әниләргә, коллективка   рәхмәтләрен җиткерделәр. Балаларга яхшы укырга, спорт белән шөгыльләнүне дәвам итәргә, сау- сәламәт, тәртипле булыгыз дигән теләкләрен җиткерделәр.

Бакчабызда зур тантана- мәктәпкә әзерлек төркеме балаларының “Сау бул, бакча!” кичәсе үткәрдек. Шатлыклы да, моңсу да бәйрәм иртәсе булып ул балаларның, әти- әниләрнең, коллективның исендә калыр. Бәйрәм иртәсе бик матур шигырьләр, җыр, бию, сюрпризлар белән үрелеп барды. Балалар үзләренең балалар бакчасын тәмамлау турындагы таныклыкларын эзләп төрле маҗараларга юлыктылар.  Аларга эзтабар, Снежная Королева белән очрашулар, үткәннәргә сәяхәт, төрле биремнәр эшләргә туры килде. Таныклыкларны уңышлы гына тапканнан соң һәр балага балалар бакчасы мөдире Алсу Маратовна кулларын кысып тапшырды.

           Озату көне килеп җитте

            Дулкынлана күңелләр.

            Алда көтә зур сынаулар,

           Ачылмаган белемнәр.

            Безнең хәтердә калырсыз

            Хәрберегез аерым.

            Безнең өчен дан булса иде

           Сез атлаган хәр адым.