Балалар бүген иртәдән үзләренең физик тәрбия эшчәнлеген шул девиз астында башладылар. Иртәнге гимнастика  февраль ае буе ай ритмик музыка астында күңелле күнегүләр, аэробик күнегүләр ясау белән оештырыла. Инде Олимпиада көненә барлык төркемнәр дә комплексларны өйрәнеп беттеләр һәм “Олимпиадага бездән сәлам” спорт- күңел ачу чарасында да башкардылар. Шулай ук кичәдә  төрле спорт ярышлары, уеннар уйнадылар, Сочи, андагы  ярыш төрләре турында презентацияләр карадылар. Әти- әниләргә балаларны спортка тарту, сәламәт яшәү рәвеше турында папка – ширмалар ясап куелды. Педагогическая копилка бүлегенә  физик тәрбия- сәламәтлекне саклау буенча бакчабызның эш тәҗрибәсе буенча ясалган презентация  куелды.

Бакчабызның рус теле тәрбиячесе Валимухаметова Ләйлә Рафаэловна югары кв. категория алды. Ул  балаларга рус телен заманча технологияләр, УМК, парциаль программалар кулланып өйрәтә. Эш тәҗрибәсе белән һәрдаим коллегеалар белән уртаклаша, бөтенроссия, республика, районда үткәрелгән конкурсларда актив катнаша, урыннар яулый. Ләйлә Рафаэловнаны югары кв. категория алуы белән чын күңелдән котлыйбыз, алга таба да иҗади уңышлар телибез.

Хөрмәтле әти- әниләр! "Кабак" җырына төшерелгән клипны карау өчен үзебезнең сайттагы сул як колонкадагы "Медиатека" бүлегенә керегез, аннан соң видеотекага. "Педагогическая копилка" да җәйге, кышкы сюжетлар карый аласыз. Презентация бүлегендә үткән темаларга презентацияләрне балалар белән теманы кабатлау өчен карарга тәкъдим итәбез. Әгәр клипны үзегезгә яздырып алырга теләсәгез, Флюзия Рафаиловнага мөрәҗәгать итегез.

Тәрбиячебез Габбасова Ләйсән Равилевна 1квалификацион категория алды. Аны балалар бик яраталар, әти- әниләр ихтирам итәләр. Коллектив профсоюз председателе итеп сайлады. Аны уңышлары белән котлыйбыз,  алга таба да иҗади уңышлар телибез.

27 январьдан бакчабызда “Куркынычсызлык” атналыгы башланып китте. Атналык дәвамында  ГО һәм ЧХ буенча норматив документлар өйрәнүне дәвам ителде, искеләре яңартылды, планнар төзелде, техник  әсбаплар  әзерләнде, эшчеләргә инструктажлар үткәрелде. "Куркынычсызлык"  темасын йомгаклап, уртанчылар төркеме малайлары  "Теремок –на новый лад" театры куйдылар. Театрны рус телендә бик матур итеп уйнадылар. Балалар театрны бик ошаттылар.  Ахырда театрдан алган тәэсирләр белән уртаклашып, әңгәмә кордылар. Алсу Ринатовна һәм Алсу Габделхамитовна “Ут- дус, ут-дошман” презентациясен күрсәтеп , балаларның атна буе өйрәнгән белемнәрен ныгыттылар.

31 январь көнне“Сәламәтлек”, “Физик култьура”, “Куркынычсызлык” белем бирү өлкәләре аша балаларда сәламәт яшәү рәвешен формалаштыруда ата-аналар һәм балалар бакчасы бәйләнешенүстерү” темасына  чираттагы пед. киңәшмә үткәрелде.

Киңәшмәдә ФДТ – сәламәтлек өлкәсенең бүгенге көн тәләпләре; сәламәтлек булеге буенча проектлар белән танышулар, физик тәрбиядә гаиләнең  роле темалрына чыгышлар , фикер алышулар, эш тәҗрибәсе уртаклашулар булды.

Өлкән шәфкать туташы Ильясова Р.К. балаларның чирләп калдырган көннәренә анализ ясады һәм узган елга караганда йөреш күбрәк булуын әйтте, үзенең киңәшләрен бирде.

Өлкән тәрбияче Халитова Ф.Р әти- әниләр белән уздырылган анкеталарга күзәтү ясап, балалар бакчасы эшчәнлегеннән әти- әниләрнең канәгать булуларын, алда үткәреләчәк чаралар турында сөйләде.

ФГОС ны тормышка ашыру буенча 2014-2016 елларга төзелгән план белән таныштырды һәм бу планны пед.коллектив бердәм тавыш белән кабул итте.  Бакча мөдире Мубаракшина А.М. “Киләчәк” программасы нигезендә безнең балалар бакчасы район буенча база мәйданчыгы  булып сайлануын җиткерде һәм алда торган бурычлар белән таныштырды.

Бакчабызга  балаларны рус теленә өйрәтү, белем бирү эшчәнлеге үткәрә өчен методик ярдәмлек, әдәплелек, үстерелешле уеннар, хәрәкәтле уеннар, биюләр өйрәтү өчен "Шома бас" , "Әдәп- әхлак тәрбиясе" видео язмалары кайтты. Бу методик ярдәмлекләрне Татарстан мәгариф һәм фән министрлыгы һәр балалар бакчасына җитәрлек итеп чыгарды һәм таратты. Без бу пособиеларны чыгарган һәм кайтарткан  җитәкчеләргә зур рәхмәтебезне җиткерәбез. 

"Минем яраткан мультфильмнарым" Бөтенроссия конкурсында катнашып, Вахитов Булат һәм  аның тәрбиячесе Габбасова Ләйсән Равилевна Грамота белән бүләкләнделәр. Аларны уңышлары белән котлыйбыз, алга таба да иҗади уңышлар телибез.

"Минем яраткан мультфильмнарым" Бөтенроссия конкурсында катнашып, Гайнуллина Айзилә һәм тәрбиячесе Хазиева Алсу Габделхамитовна Грамота белән бүләкләнделәр. Аларны бу уңышлары белән котлыйбыз һәм  тагы да актив булып, зур уңышларга ирешүләрен телибез!

Бөтенроссия күләмендә үткәрелгән "Минем яраткан мультфильмнарым"  конкурсында катнашып, Ханов Ринас һәм тәрбиячесе Мавлявиева Ләйсән Альфакаровна Грамота белән бүләкләнделәр. Аларны  тәбриклибез һәм яңа уңышлар телибез.