Бүгенге көндә экология проблемасы көнүзәк мәсьәлә булып тора. Шунлыктан экологик тәрбия бирүне иң кече яшьтән үк гамәлгә ашыру зарурдыр. Бу проблема буенча бездә эзлекле эш алып барыла. Уку елының беренче атнасын “Яшеллеккә күмелгән туган илем” темасы белән башлап җибәрдек. Экологик атна кысаларында паркта "Көзге уен, көзге кросс” исеме астында күңел ачу, спорт уеннары уйнатылды, "Җәйге мизгелләр” рәсем конкурсы, зурлар төркеме һәм мәктәпкә әзерлек төркеме балалары елга, чишмә буйларына экскурсиягә бардылар. Аларга чишмә, су буйларын чиста тотарга кирәклеге аңлатылды.

Бүген бәйрәм....бөтен дөньяда зур тантана – Белем көне! Чын күңелдән сезне белем бәйрәме белән котлыйбыз. Яңа уку елы сезгә сөенечләр, шатлыклар, уңышлар алып килсен! 

           Бакчабызда бүген бәйрәм,

            Бәйрәмнең дә ниндие?!

            Барыбыз да көте алган

            Кояшлы Белем көне.

            Матур җәй бик тиз үтеп китте,

            Уку вакыты килеп җитте.

            Ләкин җәй безне сагындыра,

            Өч ай ул, дуслар, бик аз гына.

             Аяк баса яңа уку елына,

            Безнең алда тора зур эшләр.

            Яңа уку елы алып килсен

            Һәммәгезгә бик зур уңышлар.

Бүген мәктәпкә әзерлек һәм зурлар төркеме балалары китапханәгә сәяхәткә бардылар. Аларны китапханәче Алия апалары каршы алды. Ул аларга китаплар эчендә мавыктыргыч маҗаралар, серле дөнья булуын аңлатты, китапларны саклап тотарга, китапханәдән китап алу тәртибе һәм башка мәгълүматларны җиткерде.  балалар рәсемле китаплар карадылар, соңыннан Алия апалары аларга презентация күрсәтте. Сәяхәт мавыктыргыч һәм файдалы булды.

Безнең балалар бакчасы "Ел балалар бакчасы- 2013" республика конкурсында катнашты һәм август конференциясендә конкурс дипломы белән бүләкләнде.

"Зеленая Россия" бөтенроссия экологик субботнигы бездә бүген үк башланып китте. Эшчеләр балалар бакчасы биләмәсен җыештырдылар. Экологик акцияләрдә коллектив актив катнаша.

21 август көнне "Балалар бакчасына заман таләбе"  исеме астында район мөдирләренең август киңәшмәсе уздырылды. 

                         Көн тәртибе:

Рус теле тәрбиячесе Валимухаметова Л.Р., музыка җитәкчесе Галимуллина А.Р. "Лето красное" күңел ачу программасын тәкъдим иттеләр. Балалар җәйге күренешләрне кунакларга җыр, биюләр аша җиткерделәр. Бик матур җәйге тамаша күрсәтелде.

Кунакларны каен кызы һәм юкә кызы каршы алдылар. Юкә кызы кунакларга юкә балы һәм тәмле үлән чәйләре белән сыйлады, ә каен кызы тылсымлы тасмалар өләште. Аннан соң кунаклар балалар бакчасы буенча экскурсия ясадылар.

Бәйрәм кичәсе инглиз телендәге җәйге уеннар белән дәвам итте. Ханова Г.Р. белән балалар  уеннарны музыка астында рәхәтләнеп  уйдылар.