Тәвә кошы салават күпере кебек күз явын алып тора. Аны ясауда балалар да актив катнашты. Һәр бала өйләреннә кирәкмәгән дискаларны тиз арада алып килделәр һәм бергәләп ябыштырып та куйдык. Ә гәүдәсен ясаганда монтажлау күбеген сиптердек. Балалар һәм тәрбиячеләр ясаган тәвә кошын  карап үтегез! 

Бакчадагы чәчәкләрем

Ямьләндерә бар җирне.

Сокланам шуларга карап,

Алалмыйм күзләремне.

Лилияләр, тюльпаннар 

Карыйлар сыман миңа,

Рәхмәт әйтәләр кебек

Башларын иеп аска.

Бакчабызда "Шатлык тәрәзәсе" исеме астында күңел ачу үткәрелде. Балалар матур итеп төрле күренешләрне, кояшны, чәчәкләрне тасфирладылар.Матур җырлар җырладылар, бик рәхәтләнеп уйнадылар.

Болын буйлап сибелгәннәр

Аллы- гөлле чәчәкләр.

Шаян җилдә ак чәчәкләр

Җылы хисләр чәчәләр.

Чәчәкләргә әниләре

"Балам" диеп эндәшә.

Һәрбер нәни күңелендә

Кояш белән серләшә.

Бары тырыш бакчачының

Үсә матур гөлләре.

Бала сөйгәннәрнең генә

Якты була көннәре.

Бүген бакчабызда "Капка төбендә"  фольклор -музыкаль кичәсе үткәрелде. Иртәнге якта ук балаларны татар көйләре, моңнары астында кабул итеп алдык. Ә аннан соң матур итеп бизәлгән татар өе, аның хуҗалары белән танышып бәйрәмебез башланып китте. Бу кичә дәвамында татар халык уеннары, такмазалары, шигырьләре, җырлары, әлбәттә "Әпипә" биюе һәм башка бик күп төрле уеннар да уйнатылды. Кичә һәр баланың күңеленә хуә килде.Татар милләте, аның бай мирасы, үткәне белән танышуны без һәрдаим көн үзәгендә тотабыз, бик матур чаралар үткәрәбез.

Урамда оештырган татар өендә әбиләребез яратып чиккән сөлгеләр, эскәтерләр, бик күп төрле чиккән япмалар, татар халык ризыклары белән балаларны каршыладык.

Кунакка бардык бүген

Без татар кызы янына.

Күп нәрсәләр белдек

Татар халкы турында.

"Мәликә", "Наза", "Түбәтәй", "Гөлбану", "Йәзек салыш", "Чума үрдәк, чума каз" һәм башка бик күп уйнадылар балалар. 

Соңгы педагогик киңәшмәдә "Иң матур участок" конкурсы игълан ителгән иде. Бу уңайдан эш башланып китте. Матур да, балалар да уйный ала торган итеп Муллахметова Т.К. балкортлары һәм умарталыклар ясап куйды. Һәр төркемдә бизәү эшләре дәвам итә.

Иртән торып чыгуыма 

Кояш елмаеп тора.

Кояшлы көнне күрүгә

Күңелгә нурлар тула.

Чәчәктән чәчәккә күчеп

Бал кортлары безелди.

Тавыклар чебиләренә 

Йөгрә- йөгрә җим эзли.

20 июнь көнне "Саба дулкыннары" радиосында "Хәбәрләр"тапшыруында бакчабызның сабантуе турында чыгыш була.

Кашык кабып йөгерәм дип

 Мактанырга ашыкма

 Ә син менә йөгереп кара,

 Йомырка салып кашыкка.

 Һәммәсе дә кашыкка

 Салган берәр йомырка

 Бәйләп куймаган бит аны

 Төшеп китәр дип курка.

Бүген бездә Сабантуй бәйрәме. Сабантуй-халкыбызның борынгыдан килгән иң гүзәл бәйрәмнәреннән берсе. Татар халкы борын заманнарда ук язгы кыр эшләре, чәчүләр беткәч, болын-тугайларга, яшел аланнарга бәйрәм итәргә чыккан. Бездә дә сабантуйга әзерлек алдан ук башланды, балалалр җыр, бию, шигырьләр өйрәнделәр, һәр гаиләдән бирнә җыелды.

Бүген бакчабызда күңелле көйләр агылды, капкага чиккән сөлгеләр элеп куелды, һәр бала бакчага шатланып килде.

Сабантуй балаларның концерт программасы белән башланып китте һәм уеннар белән аралаштырып алып барылды. Сабантуйда иң беренче ярыш- “атлар чабышы” белән башланып китте,  капчык сугышы, чулмэк вату, кашыкка йомырка салып йогеру, кашык белән су ташу, аркан тарту, капчык киеп йөгерү, таяк тартышу уеннарында бар бала да актив катнашты.

                                 Сабан туе, Сабантуй!

                                 Элгәредән калган туй

                                 Безнең халык бәйгеләрдә

                                 Көрәш даны алган туй!

Сабантуйнын топ элементларыннан берсе көрәш –җисем белән ярыш.Физик көчне, саулык, тазалыкны күрсәтү, аны тамаша итү, кешедә зур канәгатьләнү хисләре тудыра. Төркемнәр арасында көрәштә икенче кечкенәләр төркеменнән Мустафин Булат уртанчылар  төркеменнән Нуруллин Самир, зурлардан Шарафиев Ильдан , мәктәпкә әзерлек төркеменнән Ахмтов Алим, җиңүчеләр булды, ә баш батыр Шарафиев Ильдан булды.  

Ә  көрәшә кайсыгыз?

Көч сынашып кайтыгыз

 Курыкмагыз егылудан

 Йөгереп артта калудан.

 Ансыз булмый Сабантуй,

Колагыңа кертеп куй.