Атна темасы уңаеннан, уртанчылар төркеме балалары ана теле белем бирү эшчәнлегендә, янгынга кагылышлы тәҗрибә карап үттеләр. Алар янгын чыгу очракларының сәбәпләрен атадылар. ут-күз чыкмасын өчен үтәлергә тиешле кагыйдәләрне санадылар, янгын вакытында үзеңне ничек тотарга кирәклеген өйрәнделәр.

Уртанчылар төркеменең әвәләү бирем эшчәнлегенә Куян-Назлыкай  килде һәм ул балалардан үзенә иптәшләр әвәләп бирүләрен сорады. Балалар бик теләп риза булдылар. Шөгыль ахырында балалар Назлыкайга "Төлке һәм куяннар" дигән хәрәкәтле уен уйнап күрсәттеләр.

Saba balahoner проекты эшен башлап җибәрде. "Кыңгырау" балалар бакчасының зурлар төркеме балалары бу яңалыкны шатланышып кабул итте.  Паспортларыбыз кулыбызда. Оешмаларга барып үзебез теләгән һөнәр ияләре "булып" карау бик кызыклы.

Бүген "Балалар сәнгать мәктәбе"  балалары  көче белән әзерләнгән концерт карап, илһамланып кайттык. Рәхмәт сезгә!

Бүген зурлар төркеме балалары белән, язгы җылы кояш, кыш буе яуган карны эретеп бетергәнче дип, Кар Бабай әвәләдек.  "Кар сыннары әвәләүче 3 команда арасында иң өлгерләре без булдык!",-дип сөенделәр.Дус, туту, бер максат куеп "эшләде" балалар. 

Бүген уртанчылар төркеме балалары, атна темасы уңаеннан, су белән бик кызыклы тәҗрибәләр үткәрделәр. Алар суның үзенчәлекле билгеләре белән таныштылар. Суның тереклек чыганагы икәненә төшенделәр, суга карата сакчыл караш кирәген белделәр. Шулай ук суның яхшы һәм начар якларын атадылар.

Беренче кечкенәләр төркеме балалары урмандагы Теремкәйдә кунакта булдылар. Теремкәйдә яшәүче хайваннар белән таныштылар, аларның үзенчәлекле якларын, нәрсә ашарга яратканлыкларын әйтеп уздылар. Куян белән биеп, уйнап, җырлап алдылар. Куян кәрзинендәге тупларның формаларын,зурлыкларын, төсләрен әйттеләр. Шул туплар белән бик рәхәтләнеп уйнап алдылар. Балаларга Теремкәйдә кунак булу бик ошады.

2 нче кечкенәләр төркеме балалары рәсем аша  язгы күренешләр  белән  таныштылар.Шөгыль вакытында рәсемгә карап кар эри,тамчы тама,кояш җылыта,сулар җыела кебек  җөмләләр кулланып  җавап бирделәр.  3-4 җөмләдән торган хикәя төзеп сөйләделәр. 

№4 нчы "Кыңгырау" балалар бакчасының мәктәпкә әзерлек төркеме Абдулла Алишның "Койрыклар" әкиятен сөйләргә әзер..

Саф  һавада  үткәрелгән  физкультура  шөгыльләре  йөрәк-кан  тамырлары, сулыш  алу,  мускул  һәм  башка  мөһим  организм  системаларының  үсешенә  булышлык  итә.  Хәрәкәтләр  сулыш алу белән  дөрес чиратлашырылып барыла: кулларны  өскә күтәргәндә, ян-якка  сузганда, гәүдәне турайтканда  һәм  иелгәндә  сулыш  алына, ә кулларны  төшергәндә, гәүдәне  иеп  һәм  борылышлар  ясаганда – сулыш чыгарыла.