Мәктәбебездә ата-аналар җыелышы булды."Укучы балалар һәм  әти-әниләр арасындагы конфлектлар,аларны чишү юллары" дигән темага Шигабиева Фәйрүзә Нурисламовна чыгыш ясады.

Бүген " Туган як" түгәрәгенә йөрүче укучылар, Гүзәл Мәсгүтовна җитәкчелегендә, Явлаштау авылы символы булган "Ялгыз нарат" янына экскурсиягә бардылар, аның тарихын тирәнтен өйрәнделәр.

Мәктәбебез укучысы Ахметгалимов Раил технология фәне буенча үткәрелгән район олимпиадасында II урынга лаек булды. Раилне җиңүе белән котлыйбыз.

17 нче ноябрь көнне Саба спорт комплексында мәгариф хезмәткәрләре арасында бадминтон ярышлары булып үтте. Мәктәп директорлары арасында безнең мәктәбебез директоры Гыйбадуллин З.Ф. 1 урынны яулады. Аны әлеге җиңүе белән чын күңелебездән котлыйбыз, киләчәктә дә уңышлар телибез!

3 сыйныф укучысы Акберов Альмир " Мин уйлап тапкан эшләнмә" конкурсында катнашып финал өлешенә үтте. Финалда уңышлы чыгыш ясп Рәхмэт хаты белән бүләкләнде.

"Туган якны өйрәнү" түгәрәгендә йөрүче укучылар, җитәкчеләре Ярмиева Гүзәл Мәсгүтовна белән берлектә Мишәбаш авылына экскурсия ясадылар. Алар башлангыч мәктәптә, фельдшер-акушерлык пунктында һәм мәдәният йортында булдылар.Фельдшер Илсөяр апаның "Яшүсмернең күчеш чоры проблемалары" турындагы чыгышын тыңладылар.Үзләренең кызыксындырган сорауларын бирделәр. Мәктәп музеенда булдылар.

Яр Чаллы шәһәрендә үткән "Созвучие" җыр конкурсында укучыбыз Зиннатова Ландыш өлкәннәр группасында икенче урын яулады. Ландышны җиңүе белән котлап, аңа иҗади уңышлар телибез.

Бүген мәктәбебездә корбан ашы үткәрелде. Явлаштау авылы  мулласы Илнур абый килеп, вәгазь сөйләде.Балалар бик игътибар белән тыңладылар. Үзләрен кызыксындырган сорауларын бирделәр.

25 нче октябрь көнне  мөселман дөньясында иң мөбәрәк бәйрәмнәрнең берсе-Корбан гаете. Барлык мөселман кардәшләребезне олуг бәйрәмнәре белән котлыйбыз.Исәнлек-саулык, күңел тынычлыгы, җан рәхәте, гаилә бәхете телибез.

Бүген мәктәбебездә җәмгыять белеме укытучысы Фәйзрахманова Нуркыя Мөхәммәтхановна җитәкчелегендә парламент сәгатьләре узды: 1-5 нче сыйныф укучылары өчен "Законнар кайда туа?", ә 6-11 сыйныфлар өчен "Мин гражданин - мин укучы" темалары буенча. Бу дәрестә "Гражданлык", "Кеше һәм гражданлык хокуклары",  "Сәяси хокуклар" кебек төшенчәләрнең мәгънәсенә төшенделәр.