Җәйге лагерьда 20 нче көн. Хәтер көне. 

  1941 елның 22 июне кешелек тарихында иң дәһшәтле сугыш – Бөек Ватан сугышы башланган көн. Быел фашистлар Германиясен тар-мар итүнең 77 еллыгы билгеләп үтелде. Дүрт ел дәвам иткән сугыш Җиңү белән тәмамланса да, сугыш башланган көн илебездә Хәтер һәм кайгы көне буларак ел саен билгеләп үтелә. 1418 көнгә сузылган, бик күп кешеләрнең гомерен өзгән, йөзләгән шәһәр-авылларны җимергән. Сугыш дәһшәтенә карамастан, җиңү яулаган әби-бабаларыбызның батырлыгы, безнең буыннарга үрнәк булып тора. 

   Бүген безнең лагеребызда да шушы Хәтер көнен билгеләп үттек. Барлык чаралар да  шушы көнгә бәйле иде. Без батырларны 1 минутлык тынлык белән искә алдык. Сугыш турында фильм карадык.Хәрәкәтле уеннар уйнарга да, дару үләннәре җыярга да өлгердек.

#КояшкайСабы
#ЕвлаштаускаяСОШ
#Лагерь2022
#20көн
#РДШРТ
#мкууправлениеобразованиясабинскогорайона

Урок цифры

Җәйге лагерьда 18 нче көн.
Бүген көн иртәдән үк артык эссе түгел иде, вакыт-вакыт кыска вакытлы яңгырлар да явып үтте. Шулай да зарядкабызны урамда үткәрдек. Иртәнге аштан соң инглиз теле укытучыбыз Диләрә Марселевна кызыклы викторина үткәрде. Кызыклы сораулара җаваплар бирдек. Сәламәтлек турында фильм карадык. Футбол мәйданчыгында мини-футбол турниры булды. Аннан соң ашханәдәге пешекче апаларыбыз тәмле ашлары белән сыйладылар. "Иман нуры иңсен күңелгә" чарасы барыбыз өчен дә кызыклы һәм файдалы булды. Көнебез ахырында бик яратып татар халык уеннарын уйнадык.

Кырлайга сәяхәт.

Без, мәктәп яны лагеренда ял итүче укучылар, автобуска төялешеп, юлга кузгалдык. Шоферыбыз Ильяс  абый безне бик ипләп, җайлап кына, бер сәгать эчендә Кырлайга алып килеп тә җиткерде.
Шундый матур җәйге көн! Бөтен табигать яшеллеккә күмелгән! Безне кунакчыл Кырлай авылы, Тукай музее каршы алды. Без шушы минутларда Тукай яшәгән урында, ул йөргән җирләрдә басып торуыбызга бик шат идек. Безнең күңелләребездә үзенә күрә бер горурлык хисләре кабынып китте.
Тукай әсәрләренә нигезләнеп эшләнгән әкият аллесы буйлап барып, музей эченә үттек. Анда экскурсовод апа безгә һәр зал саен, экспонатларга күрсәтеп, бәйнә-бәйнә Тукайның тормышы һәм иҗат юлы турында сөйләде. Монда без шагыйрьнең Кырлайда яшәгән чоры белән генә түгел, ә аның тулы тормыш юлы белән таныштык.
Без Тукай турында яңа мәгълүматлар белдек.
Һәр зал үзенчә бер дөнья, үзенчә бер манзара! Музейның икенче катында искиткеч күргәзмә, әкият дөньясы  каршы алды.  Анда Казан шәһәреннән бер гаилә Тукай әсәрләренә иллюстрацияләр эшләп тапшырган. Алар аны 5 ел буе эшләгәннәр.

Музейның аргы ягында данлыклы Ия елгасы ага. Ә аның ярларына агачтан ясалган шүрәле сыннары урнаштырылган. Бу урыннарда үзеңне чыннан да Тукай әкиятләрендәгедәй хис итәсең: агач Шүрәле телгә килеп: "Әйдә, кети-кети уйныйбыз!" - дияр төсле, ә Ия елгасы басмасында Су анасы безне күзәтеп утыра кебек.
Кырлай авылының тагын бер горурлыгы - Сәгъди абый йорты.
Җыйнак кына, биш тәрәзәле авыл йорты, чирәм түшәлгән ишегалдында сиртмәле кое, салам түбәле абзар-кура безгә моннан 100-120 ел элекке авыл тормышын күз алдына китерә. Без монда бәләкәй Апуш яшәгән тормышө-көнкүреш белән таныштык. Барысы да шундый гади, шундый пөхтә һәм матур. Мондагы кашага-пәрдәләр, өстәл, савыт-сабалар, бишек - барысы да безгә нәни Апушның тормышын күзалларга ярдәм итте.Сәгъди абый йортының абзар артындагы бәрәңге бакчасына чыккач, без бер мәлгә тынып калгандай булдык... Шушында безнең күз алдыбызга "Исемдә калганнар"ын күз алдына китердек. Бакча ызанына утыртылган нарат инде бик биек булып үскән. Ул безгә Тукай турында сөйләргә теләгәндәй карт ботакларын җилдә тибрәтеп алды. Әйе, ул безгә Тукайның балачагы турында бик күп нәрсәләр сөйли алыр иде, чөнки ул шагыйрьнең бәләкәй чагының бер шаһиты. Безгә Г.Тукайның барлык әсәрләренең геройлары да шушы Кырлай авылында яшәгәндер кебек тоела. Монда Кызыклы шәкерт - Акбай - уйнап үскән киң болыннар да, Шүрәле яши торган кара урманнар да, Су анасы патшалык иткән Ия суы - барысы да бар...

Җәйге лагерьда 14 нче көн. Ялыбыз ахырына таба бара. Әле яңа гына килгән идек,14 көн сизелми дә үтеп киткән.  Табигать кочагында булуыбыз сиздерә. Һәрберебез кояшта матурланып, каралып киттек. Бүген дә "Чишмә" операциясе булды. "Галимҗан" читшмәсенең тирә-юнен чүп үләннәреннән арындырдык. Эшләп аргач ул безне үзенең тәмле суы белән сыйлады. Табигатьнең матурлыгын сокланып күзәттек. Бераз уеннар да уйнап  алырга өлгердек. Көндезге аштан соң физкультура укытучыбыз Рушан Шогаепович футбол турниры оештырды. Көннең матур һәм файдалы үтүеннән барыбыз да канәгать булды. 

#КояшкайСабы
#ЕвлаштаускаяСОШ
#Лагерь2022
#14көн
#РДШРТ
#мкууправлениеобразованиясабинскогорайона 

Җәйге лагерьда 12 нче көн. Матур, җылы, кояшлы көннәр дәвам итә. Бүген тагын да эссерәк, җил дә юк, тыныч. Туган ягыбызның болын, урманнарына чыксаң, бөтен дөньяның матурлыгы, гүзәллеге шунда сыеп беткән диеп уйлыйсың. Чыннан да бик матур шул ул безнең туган ягыбыз!  Ә дусларың белән бергә булу тагын да ямь өстенә ямь өсти. Бергәләп рәхәтләнеп уйнадык, күңел ачтык,  Уйнап аргач чишмәдән  су эчтеп, сусавыбызны бастык. Мондый татлы сулы чишмәләр, иркен киң болыннар бары бездә генә. Көндезге аштан соң "Без сәламәт тормыш рәвеше яклы" исеме астында рәсем ясау  бәйгесе булды. Көнебез сизелми дә үтеп китте. 

#КояшкайСабы
#ЕвлаштаускаяСОШ
#Лагерь2022
#12көн
#РДШРТ
#мкууправлениеобразованиясабинскогорайона