24 нче март көнне мәктәбебездә традициягә әйләнгән чараларның берсе – «Нәүрүз» бәйрәме үткәрелде. Бәйрәм чарасы бай программа буенча алып барылды. Укучылар башта бирнә, ярма җыйдылар, яз турында җырлар җырладылар, матур биюләр башкардылар, шигырьләр сөйләделәр, күп төрле спорт уеннарында катнаштылар, ә соңыннан, Кыш бабай белән Нәүрүзбикәгә аркан тартышырга ярдәм иттеләр. Кыш җиңелеп, хакимлеген Нәүрүзбикәгә тапшырып, иң изге теләкләрен теләп, саубуллашып китеп барды. Бәйрәмнең икенче өлешендә укучылар, һәр сыйныфның үз көче белән әзерләгән кафеларында, төрледән-төрле тәмле ризыклар белән сыйландылар.

   24 нче март көнне Эзмә авылы спортзалында мәгариф хезмәткәрләре арасында волейбол ярышларының зона этабы үтте. Ярышларда мәктәбебез командасы II урынга лаек булды. Җиңүчеләрне чын күңелдән котлыйбыз һәм алга таба да җиңүләр теләп калабыз. Афәрин! 

   22 нче март көнне район Балалар иҗат үзәгендә "Без бергә" республика фестиваль - конкурсының муниципаль туры үтте. Әлеге конкурста мәктәбебезнең "Грация" бию төркеме (җитәкчесе-Рахимуллина Ч.А.) III не урынга лаек булды. Өстәмә белем бирү педагоглары Рахимуллина Ч.А. һәм Галимҗанов И.Ә. "Остаз" номинациясендә җиңү яуладылар. МолодцыЁ котлыйбыз1

   Гаиләләр арасында үткән спорт ярышларында, Акбировлар гаиләсе уңышлы чыгыш ясады.

   16 нчы март көнне район мәдәният йортында «Ел укытучысы-2018» бәйгесе җиңүчеләрен тәбрикләү тантанасы булып узды. Бу бәйгедә мәктәбебезнең укыту эшләре буенча директор урынбасары Шакирова Земфира Ренатовна  «Иң яхшы завуч» һәм «Иң яхшы татар теле һәм әдәбияты укытучысы», Ахметова Светлана Владиковна «Иң яхшы рус теле һәм әдәбияты укытучысы» номинацияләрендә җиңү яуладылар, ә инглиз теле укытучысы Халиков Рамил Рафисович призер булды. Җиңүчеләрне чын күңелебездән котлап, киләчәктә дә уңышлар телибез. Молодцы!!!