15 март көнне Явлаштау урта мәктәбендә “Дус яшик!” акциясе кысаларыда “Татарстан-дуслык иле,  һәрбер милләт - аның гөле” исемле сыйныфтан тыш чара үткәрелде. Укучылар төрле милләт биюләрен оста итеп башкардылар. Балалар  Татарстаныбызның  күпмилләтле  республика икәнлеген һәм аларның дуслыгын чагылдырган биюләр өйрәнделәр, киемнәр әзерләделәр.       

   14 март  көнне  Явлаштау урта мәктәбендә  язгы мәрхәмәтлелек атнасының өченче көне “Мемориалга юл” акциясе кысаларында үтте. "Исәннәрнен кадерен бел, үлгәннәрнең каберен бел!"-дигән халкыбыз гыйбарәсен истә тотып, Явлаштау авылындагы мемориалны һәм аның тирәлеген 6 сыйныф укучылары, ә Мишәбаш авылындагысын 7 - 8 сыйныф укучылары кардан арындырып, себереп куйдылар. Укучылар үзләренең шундый җаваплы һәм саваплы эш башкаруларына чын күңелдән сөенделәр.

   12 нче марттан "Һәр көнне игелек кыл!" девизы астында, "Язгы мәрхәмәтлелек" атнасы башланды. Укучылар план белән таныштырылды һәм һәр сыйныфка вазыйфалар йөкләнде.
 

   6 нчы март көнне кызлар һәм малайлар командалары арасында 23 февраль һәм  8 март бәйрәмнәре уңаеннан, волейбол ярышы узды.

   Мәктәбебез егетләре укучы кызлар һәм укытучы апалары өчен бик матур бәйрәм концерты күрсәттеләр. Рәхмәт сезгә!

   Башлангыч сыйныф укучылары сыйныф җитәкчеләре белән берлектә әниләргә багышланган бик матур чара үткәрделәр.

   Иртәнге линейкада хәрби-патриотик айлык кысаларында үткән ярышларга нәтиҗә ясалды һәм җиңүчеләр бүләкләнде.

  Явлаштау урта мәктәбенең «Мишә буе республикасы» балалар оешмасы активистлары, «Ел активы-2018» республикакүләм бәйгесенең заявкалар турын уңышлы үтеп, I тур биремнәрен башкару эшенә керештеләр. Укучыларга алдагы турларда да сынатмауларын телибез.