Каникуллар чорына планлаштырылган чаралар дәвам итә. Бүген 7,8 класс укучылары өчен  татар халык уеннарын искә төшерү булды.  (сыйныф җитәкчеләре Вәлиева Ф.Ш., Хилалутдинова М.С.)

Каникулда түгәрәкләр дә эшләрен дәвам итәләр. Шахмат түгәрәгенә укучылар теләп йөри. Бүгенге көндә иң оста уенчыларыбыз Икшермәдә өйрәнү сборында. (Фәнис, (5 кл), Фәнис, Айзат, Искәндәр, Таһир (7 кл))

8 ноябрь көнне беренче чирек нәтиҗәләре буенча педсовет узды. Көн тәртибендә 1. "Укучыларга патриотик тәрбия бирү"- Халимов И.Г. чыгышы, 2. Беренче чирек нәтиҗәләре. 3. Төрлеләр 

Бүгенге көндә мәктәпне тәмамлап педагог һөнәрен сайлаган укучыларыбыз күп. Быел да Вәлиахметова Алия математика һәм информатика бүлегенә укырга керде. Югары белем йортларында да укучыларыбыз сынатмый. Алар исеменә Рәхмәт хатлары килеп тора.

Беренче чирек артта калды. Нәтиҗәләр начар түгел. Укуда һәм аеруча, класстан тыш чараларда яхшы нәтиҗәләребез бар.  Бер генә укучы да чаралардан читтә калмады. Каникуллар чорында да  мәктәптә эш тукталмый. План төзелде, чаралар вакыты һәм җаваплы кешеләр билгеләнде.

11 сыйныф укучысы Каюмова Гөлсем мәктәптә иң актив укучыларның берсе. 3 ноябрь көнне Гөлсем республика күләмендә  фәнн-гамәли конференциядә катнашып 1 урынны алып кайтты (җитәкчесе Вәлиева Ф.Ш.)

Ученица 11 класса Каюмова Гульсум 3 ноября примет участие в республиканской научно-практической конференции школьников "Молодежь в научном поиске", приуроченной году Габдуллы Тукая.

9 сыйныф җитәкчесе Абдуллина Ләйсән Миннемехәмәтовна "Сыйныф җитәкчесе" конкурсында катнашты. Эш тәҗрибәсен чагылдырган портфолио тутырып район этабына тапшырды.

2 ноябрь көнне Каюмова Гөлсем һәм Касимова Ләйлә (җитәкчеләре Шакирова Г.Р.) "Калфаклы сандугач" дип аталган (Сара Садыйкованың 105еллыгы уңаеннан) конкурста катнашып 1 урын алып кайттылар.

Бүген "Ватан" конкурсының республика этабы башланды. Кул эшләре номинациясендә  Вәлиева Сөмбел һәм Каюмова Гөлсемнең эшләре район, зона этапларында җиңеп республика күләмендә катнашты.