Әдел, Шамил,Раушан, Ислам балык тоту малайлар эше диләр.Үзләренчә балык тотмакчылар.Ләкин кызларыбызның да калышасы килми. Бүгенге көнебез бик күңелле үтте.

Гадәти  булмаган рәсем ясау  алымын кулланып, бармаклар белән җәйге матур чәчәкләр ясадык.Бу алымны куллану балаларда рәсем ясауга кызыксыну уятты. Аларның күзләрендә очкыннар уйнады.

Бүген балалар белән үз-ара дуслык турында сөйләштек.Алар үзләренең дуслары белән "Дуслык чәчәге" ясадылар. Дуслыгыбыз чәчәк атсын, матур булсын теләкләр.

Балаларга физик тәрбияне төрлечә үткәрергә тырышабыз.УМК битлекләрен кулланып, төрле әкияти геройларга әйләнәбез.Әлеге рәсемдә бүреләрнең зирәклеген, җитезлеген тикшердек.

Бакчабызны ямьгә төреп Лилияләр чәчәк атты.

Авылым чишмәләрен өйрәнү, саклауны күздә тотып чишмә аланына юл тоттык.Балалалар белән чишмә суының бик салкын, бик йомшак, тәмле, файдалы икәнен өйрәндек. Чишмәләрне саклап чистартып торырга кирәклеген аңлаттык.

Бүген тэрбияче Эльмира апалары уенчыклар кибетендә сатучы булды. Уенчыкларны сатып алгач сакларга кирәклеген,югалтмыйча, пөхтә итеп уйнарга өйрәтте.

Бүген бездә  туган көн.Җәйнең матур көнендә  акыллы, матур кыз Галимуллина Сөмбел дөньяга аваз салган.Без аны туган көне белән тәбрик итәбез. Туган көне белән котлап, иң изге, якты, матур теләкләребезне юллыйбыз.Көчле рухлы һәм кешелекле, юмарт һәм ярдәмчел, бәхетле һәм сәламәт булып үссен! Туар таңнары тыныч, гомере бәхетле булсын.Бәхетле балачак телибез!!!

Экология көне уңаеннан тәбигать кочагына ял итәргә бардык.Максатыбыз балаларны тәбигатьне сакларга, яратырга өйрәтү иде.Нәниләр кошлар тавышын тыңлап, яшел тәбигатьнең матурлыгына карап таң калдылар.