Балаларның сәламәтлеген ныгытуда физкультура белән шөгелләнүнең роле зур. Физик күнегүләрне уен формасында алып барырга тырышабыз. "Күңелле туп"  уены балаларга бик ошый.

Ялкауланып тормыйбыз ,

Физкультура ясыйбыз.

Әкият яратмаган бала бик аздыр. Безнең балалар бакчасында әкиятләрне бик яраталар.Бигрәктә әкиятләрне сәхнәләштерү ошый аларга. Бүген без "Теремкәй" әкиятен күрсәттек.Әкият аша дуслык, тыйнаклык, шәфкатьлелек сыйфатларын тәрбияләргә тырыштык.

Рамазан ае  иң саваплы ай. Бүген без балалар белән  мәчеткә килдек. Безне анда мөләем йөзле, дин сабакларын тырышып өйрәнүче Алинә апалары каршы алды. Ул балаларга кыска һәм үтемле итеп Рамазан ае турында сөйләде. Мөселманнарча исәнләшергә өйрәтте. Мәчет белән таныштырды. Изге коръән китабын пакъ күңел, пакъ тән белән генә укырга яраганлыгы турында аңлатты.

Нидер уйлап табу һәр баланың уенда була. Балалар тәрбияче апалары белән бергәләп су, ком, һава белән тәҗрибәләр уздырдылар."Бата батмый", "Нәрсә авырырак", "Суның төсен үзгәртү" дигән уеннар уйнадылар.

Балаларда әйләнә - тирәдәге матурлыкка кызыксыну уятуны максат итеп, җәйге мәйданчыгыбызны  төрле кул эшләре белән бизәргә булдык. Тырышлыгыбыз бушка китмәде. Әкияти, гүзәл мәйданчык барлыкка килде. Ата-аналарның да өлеше бар бу матурлыкта. Балалар бакчасы тормышына битараф булмаган әти- әниләребезгә зур рәхмәтебезне җиткерәбез.

Аю килгән урманнан,

Кемдер аны чакырган.

Бакчадагы балаларга ,

Бер тәпән бал китергән.