Дөньяда, тормышта иң кирәкле әйберләрнең берсе су. Шуңа да бүген авылыбыз чишмәләрен өйрәндек.Туган якка мәхәббәт, чишмәләргә сак караш тәрбияләүне максат итеп куйдык.

Чишмә эзләп киттек тау юлыннан,

Йотылып-йотылып суын эчәрлек.

Бу атна буе язучыларыбызның иҗаты белән таныштык. Әкиятләр, хикәяләр ярдәмендә балаларның сөйләм телен үстердек."Әкиятләр иленә" сәяхәт ясадык.

Бу атнада бакчабызда балалар белән Бөек Ватан сугышы геройлары, тыл батырлары, Хәтер китабы турында әңгәмә алып бардык, презентация карадык. Иҗади сәнгать - кисеп ябыштыру шөгелендә мәңгелек ут  төшерелгән открытка ясадык.

Баларның бакчага ияләнүләре бүгеннән башлады. "Балалар белән бергә уйныйбыз" дигән шөгел безнең кечкенә нәниләребезгә бик ошады.

Бүген Мишабаш авылы мәдәният йортында мәктәп, балалар бакчасы белән берлектә Нәүрүз бәйрәме үтте. Бәйрәм матур җырлар, спорт уеннары белән үрелеп барды. Барлык килгән кунаклар карга боткасыннан авыз иттеләр. Бәйрәм ярминкә белән дәвам итте.

Бүген Саба районы мәдәният йортында "Талантлар утравы" дип исемләнгән конкурс гөрләп узды.Бу конкурста безнең бакчабыздан Гафиятова Исламия әнисе Надия апа белән "Халык җырлары" номинациясендә мөнәҗәт башкардылар. Уңышлы чыгыш ясап алар "Гала концерт" турына үттеләр. Аларны котлыйбыз һәм алга таба зур уңышлар телибез!!! 

Минем әни бу дөняның

Иң чибәре, сылуы

Нинди бәхет - 

Һәр баланың

Үз әнисе булуы!

Әбиемнең матур сандыгы!

Нинди серләр саклый икән ул?

Гомер буе җыйган хәзинәме,

Әллә инде күңел бизәгеме,

Нинди серләр саклый икән ул?

Әтиләребез бәйрәме

Безнең дә көткән бәйрәм

Җырлап - биеп күңел ачыйк

Бүген әтиләр белән.