Бүген без сәяхәткә мәдәният йортына килдек.Балаларны ачык йөзле Хания апалары каршы алды.Беренче тукталышыбыз-китапханә булды.Анда без кызыклы китаплар карадык.Хания апалары әкиятләр, шигырьләр укыды.Китапларны саклап кына тотарга кирәклеген аңлатты.

Икенче тукталыш- спорт бүлмәсе.

Сәламәт үсәр өчен,

Көч-куәт өстим әле.

Өченче тукталыш-спорт зал.

Бигрәк шаян инде без,

Тик тормыйбыз бердә без.

Футбол тубын күрүгә,

Артыннан йөгерәбез.

Россия көне уңаеннан  "Россия -зур дәүләт"дигән темага әңгәмәләр үткәрдек. Россия символикаларын искә төшердек.

Татар халкының милли бәйрәме Сабан туе  бәйрәме уздырдык. Көч сынаштык, ярыштык. Балаларга аркан тарту уены бик ошады.

Бүген безнең бакчабыз да зур бәйрәм -бакча белән хушлашу кичәсе узды.Бакчабыздагы иң  акыллы, тәртипле кызларны мәктәпкә озаттык.Кичә җыр,бию шигырьләр белән үрелеп барды. Шулай ук акыл эшчәнлегенә сораулар бирелде, "Кем тизрәк" уены уйнатылды.Күмәк биюләр әти-әниләр тарафыннан зур алкышларга күмелде.

Әниләребезнең җылы карашлары -балаларга фатиха булды.Яхшы киңәшләре һәрвакыт юлдаш булсын.

Кичәбезнең  икенче өлеше "Сау бул бакча, исәнме мәктәп" дип аталды. Ягымлы карашлы Рафига Рашитовна балаларны  мәктәпкә кабул итеп алды. Мәктәп тормышы  белән таныштырды.

Әйләнә тирәбездәге гүзәллекне күрер өчен, бүген без ерак китмәдек.Үзебезнең бакча тирәли сәяхәт ясадык.Анда үскән агачлар, чәчәкләр белән таныштык.Күбәләкләр очканын күзәттек.Балаларның күзәтүчәнлекләрен арттырдык. Җәйге матур көнгә соклану уятып, бакчабызга карата ярату хисләре тәрбияләдек.

Балаларга бүлмә гөлләренә карап соклану, сакчыл караш , гөлләр өчен кирәкле шартлар турында мәгълүмәт бирү атналыкның төп максаты булып торды.Шулай ук бүлмә гөлләрен үстерүгә кызыксыну уятырга, өлкәннәргә ярдәм итү теләген тудырыга тырыштык.