Күренекле татар язучысы Әхмәт Фәйзинең тууына 110 ел тулу уңаеннан китапханә мөдире Гараева Сәрия Солтановна һәм 7нче сыйныф укучылары язучының тормыш юлы һәм иҗаты белән таныштырды.

Бүген 1 Март - Россиядә песиләр көне дип  игълан ителде. Шул уңайдан мәктәптә биология, география укытучысы Билалиева Г.Ф. песиләргә багышланган рәсем, фотоконкурс оештырды. Динамик пауза вакытында укучылар песиләргә багышлап шигырьләр укыдылар, әкиятләрен тыңладылар.

   27нче февраль көнне Саба гимназиясендә республика күләмендә Ә.Кәримуллин исемендәге фәнни-гамәли конференция үтте. Безнең мәктәпнең 8нче сыйныф укучысы Ахунова Айгөл (фәнни җитәкчесе Миннебаева И.М.) Г.Әпсәләмовның “Ак чәчәкләр” әсәрендә прототиплар” темасы буенча чыгыш ясады һәм 2нче урынга лаек булды. Уңышлар телибез!

   28нче февральдә мәктәптә “Аз булсын, тәмле булсын” дигән исем астында ярминкә үткәрелде. Бу чарада  укучылар, укытучылар, әти-әниләр бик  теләп катнаштылар, рәхәтләнеп пешкән ризыклар белән сыйландылар.

21нче февраль-Халыкара туган тел көне буларак билгеләп үтелә. Шул уңайдан мәктәбебездә тәрбия сәгатьләре үткәрелде. Татар теле һәм әдәбияты укытучысы Миннебаева И.М. 8нче сыйныф укучылары арасында  “Туган телеңне беләсезме?” дип исемләнгән викторина үтте. “Зирәкләр” һәм “Тапкырлар” командалары үзара көч сынашты. Укучылар тел  турында белемнәрен барладылар, зирәклекләрен сынадылар.

Мәктәп күләмендә укучыларның күптән көткән "Аҗаган" уены булып узды. Бу уенда "Яшелләр" взводы җиңде.

"Спорт һәм оборона айлыгы" планы нигезендә "Ягез әле, егетләр!" ярышы булып узды.

"Спорт һәм оборона айлыгы" кысаларында мәктәп күләмендә егетләр өчен турниктан тартылу  һәм кызлар өчен идәннән этелү ярышлары узды.

Гараева Сәрия Солтановна технология дәресеннән "Фартукларны моделәштерү" дигән ачык дәрес күрсәтте.

Ел саен мәктәптә февраль ае хәрби- патриотик айлык буларак үтә. 16 февраль көнне "Яшелләр" һәм "Зәңгәрләр" командалары арасында волейбол ярышы уздырылды. "Яшелләр" командасы җиңүгә иреште.