Бүген 2 нче сыйныф, укучылары барлык укытучы хатын - кызларыбызны һәм укучы кызларыбызны 8 нче март белән котлап, матур бәйрәм оештырдылар. Аларның  җитәкчеләре Дәүлиева Эльмира Ренатовна.

4 нче март көнне балалар оешмасын оештыручы Рахимуллина Гүзәл Рәшитовна тарафыннан 4 нче сыйныфта сбор үткәрелде.
 

2 нче сыйныфларны эзтабарга алу

Районда үткәрелгән " Татар егете" бәйгесендә 11 нче сыйныф укучысы Миннеханов Илназ һәм 10 сыйныф укучысы Фатыйхов Фәннүр  катнаштылар.  Илназ Гран - прига лаек булды, ә Фәннүргә  "Иң уңган егет" исеме бирелде.

Бүген 5 нче сыйныфлар белән  Ватанны саклаучылар көненә багышланган сбор үткәрелде.

Яр Чаллы шәһәрендә үткәрелә торган конкурска " Интерьер" түгәрәгенә йөргән укучыларның эшләре җибәрелде. 

Бүген мәктәптә Туган тел көненә багышлап бәйрәм иртәсе үткәрелде. Бәйрәмне 7 нче сыйныф укучылары алып бардылар. Әлеге бәйрәмдә Туган телгә багышланган шигырьләр сөйләнде, җырлар башкарылды.   

Хөрмәтле ир - ат укытучыларыбыз, укучы егетләребез!

Сезне 23 нче февраль - Ватанны саклаучылар көне белән котлыйбыз! Сезгә озын гомер, нык сәламәтлек, шатлык, бәхет, укуыгызда һәм эшегездә зур уңышлар телибез.

  Яшәрегез яшь өстәлгән саен,

Яшәү булсын сезгә күңелле.

Безнең өчен ныклы терәк бит сез

Иң зур бәхет шушы түгелме?

  Ходай сезгә камил акыл бирсен,

Җиткерәбез сезгә теләкне

Олы бәйрәмегез уңаеннан

Кабул итегез сез рәхмәтне.

19 нчы февраль көнне мәктәптә Аҗаган уены үткәрелде. Яшелләр командасы беренче урында бара. Уенның барлык төрләре дә уздырылып беткәч җиңүче команда игълан ителәчәк. Уңышлар сезгә!

19 нчы  февраль көнне Совет гаскәрләрен Әфганстаннан чыгаруга багышланган традицион волейбол ярышлары булып узды.  Безнең егетләр командасы зур уңышлар белән кайтты... Молодцы, егетләр!