Юл йөрү кагыйдәләрен һәрвакыт үтәргә кирәк. Бу турыда укытучылар гел искә төшереп тора. Юл йөрү кагыйдәләрен үтәмәү нинди хәтәр хәлләргә китерергә мөмкин булуын үз күзләрең белән күрү бөтенләй икенче нәрсә икән. 18 нче февраль көнне Сабада балалар иҗат үзәгендә караган тамашадан соң без шундый нәтиҗәгә килдек. Казанның яшьләр театры артистлары безгә кызыклы һәм файдалы тамаша күрсәттеләр.

18 нче февраль көнне Саба балалар иҗат үзәгендә "Иң шәп вожатый - 2011" конкурсы булып узды. Монда районыбызның 7 мәктәбеннән иң актив, иҗади, сәләтле укучылар чыгыш ясады. Катнашучыларга түбәндәге конкурслар тәкъдим ителде: иҗади папка, компьютер презентециясе, "Таныш булыйк!" - визит карточкасы, "Вожатыйның бер көне" - музыкаль театральләштерелгән күренеш, тамашачылар белән уен, сюрприз.

Конкурс бик оешкан төстә, матур үтте.  Безнең мәктәпнең 9 нчы сыйныф укучысы Нуриева Зәрия "Иҗади әйдаман" исеменә лаек булды. Котлыйбыз!

Бүген хоккей буенча безнең егетләребез матур  уен күрсәттеләр. Уңышлар сезгә, егетләр!

15 нче февраль көнне күренекле шагыйрь Муса Җәлилнең тууына 105 яшь тулу уңаеннан әдәби-музыкаль кичә үткәрелде.

Әфганстаннан совет гаскәрләре чыгарылуга 22 ел тулуга багышланган  волейбол ярышы булды.  Бу кичәдә Әфганстанда хәрби бурычын үтәгән Гарифуллин  Илдус һәм  әле генә Ватан алдындагы бурычын үтәп кайткан Сибгатов Айгиз  катнашты.

"Лыжня России-2011" кысаларында чаңгы ярышлары булып узды.

12 нче февраль көнне Саба спорткомплесында укучы егетләр арасында волейбол ярышлары булып узды.