Бүген мәктәбебезнең 5 укучысы өчен чыгарылыш кичәсе булды. Кадерле, чыгарылыш сыйныф укучылары. Сезне әлеге матур бәйрәм белән тәбриклибез. Сез мәктәпне күп уңышлар, зур җиңүләр белән тәмамлыйсыз. Алда сезне олы тормыш көтә. Шул тормышта үз урыннарыгызны табып, җәмгыятькә кирәкле шәхесләр булып җитешегез. Ак юл сезгә, кадерле балалар!

Бүген без экология атналыгы кысаларында туган ягыбыз буенча булган сәяхәтебезне дәвам итеп, күп кенә танылган шәхесләр үсеп чыккан Миңгәр авылына бардык. Иң беренче Ш.Биктимеров музеенда булдык, Миңгәр авылының матур табигате белән хозурландык. 

Лагерның бүгенге көне шахмат, шашка ярышына багышланды. Әлеге спорт төрен дә укучылар үз итә, ярата. Бүген алар шул өлкәдәге уңышларын күрсәттеләр. 

Экология атналыгы кысаларында укучылар белән туган як табигате буенча экскурсиягә чыктык. Чишмәләрнең, елгаларның, тауларның исемнәре, ул исемнәрнең килеп чыгышлары белән таныштык. 

Лагерьның бүгенге көнендә укучылар авылыбыз чишмәләренә экскурсиягә бардылар. Чишмәләрнең тирә-ягын җыештырдылар, суының файдасы турында әңгәмәләр үткәрделәр, аңа багышлап язган җырлар җырладылар. 

Югары Симет урта мәктәбе каршында эшләүче "Кояшкай" лагерының бүгенге көне дә кызыклы вакыйгаларга бай булды. Укычылар белән ясалма "кар" ясап, кар бабай әвәләдек, табигый материаллардан матур композиция ясадык. 

Лагерьның бүгенге көн темасы "Уйныйбыз да, җырлыйбыз" дип аталды. Укучыларыбыз "Башваткычлар чишәбез" уенында үзләренең тапкырлыкларын сынасалар, җырлы-биюле уеннарда җитезлекләрен, җыр-моңга сәләтләрен күрсәттеләр.