Югары Симет урта мәктәбе укучылары Бөек җиңүнең 72 еллыгына оештырылган бәйрәмдә катнаштылар.

Югары Симет урта мәктәбенең “Нур” драма түгәрәгенә йөрүче укучылар Фоат Садриевның “Эх сез, егетләр” спектаклен сәхнәләштереп, авыл халкына бәйрәм бүләк иттеләр.

Югары Симет урта мәктәбендә "Посади дерево" акциясе узды. Укучылар, укытучылар бу акциядә теләп катнаштылар, мәктәп территориясеенә 50 төп агач утырттылар

Волейбол  буенча укучылар арасында уздырылган район беренчелегендә мәктәбебезнең  егетләр командасы 1 нче урын яуладылар. Егетләребезне котлыйбыз, алга таба да зур җиңүләр телибез.

Мәктәбебез укучылары 21 апрель "Җирле үзидарә" көне уңаеннан,  җирлек рәисе Ахмадуллин И.Р. һәм озак еллар шушы үзидарәдә эшләп,  лаеклы ялга чыккан Миннуллина Гөлйөзем апай белән очраштылар. Әлеге өлкәдә булган яңалыклар белән таныштылар.

18 апрель Халыкара һәйкәлләр һәм истәлекле урыннар көнендә мәктәбебез укучылары авылыбыз тарихында  эз калдырган мәгърифәтче, авылыбызның горурлыгы, тарихи мирасы булган Мортаза Гали бине Котлыгыш әс - Симети каберлеген, язучы, әдәбият галиме һәм тәнкыйтьче Мәһдиев Мәхәммәт Сөнгать улының әнисе истәлегенә куелган ташның тирә-ягын җыештырдылар.     

Математика фәненә кызыксыну уяту,тапкырлык, зирәклек, игътибарлылык, ихтыяр көче тәрбияләү,командада эшләргә өйрәтү,коллектив алдында үз эше өчен җаваплылык хисе тәрбияләү максатыннан "Физика-математика" атналыгы  кысаларында 7-10 сыйныф укучылары белән Математик квест үткәрелде.

12 апрель-Космонавтика көне уңаеннан 1-4 сыйныфлар арасында рәсем конкурсы үткәрелде, Ю.А.Гагаринның батырлыгы турында газета чыгарылды.

Бөтендөнья туберкулезге каршы көрәш һәм Сәламәтлек көне уңаеннан Югары Симет урта мәктәбендә авыл фельдшеры Муллагалиева И. белән очрашу үткәрелде."Янәшәдә туберкулез" темасына әңгәмә оештырылды.