“Адәм баласына үзенең 7 буын бабасын белү фарыз”, дигәннәр борынгылар. Шул вакытта гына кеше туган иленең, туган төбәгенең, туган йортының, үз халкының чыгышын белә. Шуның өчен дә бездә бүген балаларга үз шәҗәрәләренең тарихын, туган авылының үткәнен белү, өйрәнү, туган төбәкнең тарихи урыннарын белү кирәк, дигән максат белән “Тамырлар” фонды белән Сарманның “Туган якны өйрәнү” музее хезмәткәрләре кунакта булдылар.

         Иң элек Марат  абый Туйкин эш барышы белән таныштыргач, Әлфия Фәрит кызы шәҗәрәләр төзү тәртибен аңлатты. “Шәҗәрәләр безгә бабаларыбызның үткән юлын, чал тарихын сөйли. Шаҗәрәңне, нәсел агачыңны белү, эзләү - барыбызның да изге бурычы. Димәк, без үзебезнең нәсел агачыбызны һәм 7 буын бабаларыбызны белергә тиеш. Алар белән горурланырга тиешбез. Шуңа күрә “Сарманның “Туган якны өйрәнү музее” укучылар өчен конкурс уздыра, барыгыз да катнашырсыз дип өметләнәм.

         Вакыт чаба. Яңадан-яңа буыннар җиргә килә тора. Буыннарны онытмыйк, һәрчак истә тотыйк, алар белән горурланыйк. Туган җиребезне, илебезне, авылыбызны онытмыйк.

Илексаз мәктәбе Сарман авылының "Старт" балалар һәм яшүсмерләр спорт мәктәбе базасында "Милләтләр кроссы-2016" кысаларында узучы җиңел атлетика кроссында катнаштылар.  Укытучы Зарипов Динар һәм укучылар Азалия Шакирова, Айназар Тахавиев, Лилия Газдалиевалар үз көчләрен сынап карадылар.  

Узган шимбәдә Илексаз  мәктәбендә өмә үткәрелде. Анда бөтен коллектив бердәм катнашты. Укучылар, укытучылар һәм башка хезмәткәрләр бергәләшеп чөгендер, кишер алдылар, мәктәп территориясен чистарттылар

Мәктәбебезнең профсоюз җитәкчесе Бәдретдинова Резедә Илдус кызы 7-9 класс укучылары өчен, "Бердәмлектә без көчле!" дигән темага класс сәгате уздырды. Ул анда профсоюз турында сөйләде, аның эшчәнлеген яктырты, профсоюз почмагы белән таныштырды

Бүген Бөтендөнья автомобильсез көн билгеләп үтелә. Бу көнне автомобиль һәм мотоцикл йөртүчеләргә ягулык таләп итә торган транспорт чарасыннан бер генә көнгә булса да баш тартырга тәкъдим ителә. Шушы уңайдан 5-9 нчы сыйныф укучылары арасында класс сәгате узды. Аны 9 нчы сыйныф җитәкчесе Нәбиуллина Гөлфирә Минемхәмәт кызы уздырды

Бүген Илексаз мәктәбендә 200 һәм 2000 сум яңа банкнотларда Казан сурәте урын алсын өчен тавыш бирергә өндәп, класс сәгатьләре узды.  Укытучылар финалда актив булырга чакырдылар, «Казан финалистлар сафында! Татарстан башкаласын яклап тавыш бирик! #200Казан. Сез бу адымыгыз белән  үзегездә ватанпәрвәрлек сыйфатларын үстерәсез», – дип мөрәҗәгать ителәр алар. 

Шәхси келәмнәрдә китап карап утыруы бик җайлы

"Туган якның мәдәнияте" исеме астында 1-4 классларда әңгәмәләр булды. Укучылар Сарман ягы, Илексаз авылының мәдәнияте белән таныштылар (укытучылары: Н.В.Әһелтдинова һәм С.Ф.Латыпова)

 Харисова Рузалия Муллаян кызы белән (Республика профилактика медицина үзәге"ннән килгән) очрашу да катнаштык