7 нче сыйныф укучылары Галимуллина Гайнавал апага шефлыкка бардылар.Малайлар кар көрәделәр, ә  кызлар өй җыештырдылар.Эш беткәч, Гайнавал әби үзенең мәктәп елларын , авыр балачагы турында  сөйләде.

   “Ягез әле, әтиләр һәм лаеклы алмашлар!” дигән кичә үтте. Бу кичәдә әтиләрнең “Чик сакчылары” командасы белән егетләрнең “Аюлар” командасы  катнашты. Алар җитезлектә, уңганлыкта, тапкырлыкта, осталыкта көч сынаштылар. Нәтиҗәдә, әтиләр командасы җиңүче булды.

     "Бәһасе юк бәһаләр, ягъни кешенең биш асылы..." дигән темага ачык сыйныф сәгате үтте. Бу сыйныф сәгатендә кешедә булырга тиешле биш сыйфат: акыллы, әдәпле,намусыңа тугры калырга,  чиста күңелле, сабыр холыклы булырга кирәклеге турында аңлатылды.

  22 нче февральдә 1-4 нче класс укучылары арасында "Күңелле стартлар" ярышы үтте. Ике командага бүленеп укучылар ярыштылар.Нәтиҗәдә дуслык җиңде.

    Бүген мәктәбебездә Хәрби-патриотик айлык кысаларында "Аҗаган 2016" уены үткәрелде. 5-9 нчы класс укучылары ике командага бүленеп җитезлектә ярыштылар. Барлык төр уеннарда да яхшы күрсәткечкә ирештеләр. Нәтиҗәдә 14 / 16 белән "Буйвол"лар командасы җиңде. 

     20 нче февраль көнне безнең мәктәптә строй җыры конкурсы узды. Барлык укучылар актив катнаштылар.

    Бүген, 18.02.16 көнне башлангыч класс укытучысы Исламова А.Ф. "Мәрхәмәт елмаюдан башлана" дигән темага тәрбия сәгате үткәрде. Өлкәннәргә, үзебездән кечеләргә, көчсезләргә һәрвакыт, һәркайда игътибарлы, мәрхәмәтле булырга кирәклеген аңлатты. 

   Бәйрәмдә укучылар җырлар җырладылар, шигырьләр сөйләделәр, табышмакларга җаваплар таптылар. Иң актив укучылар истәлекле бүләкләр белән бүләкләнделәр.

         Мәктәбебездә патриотизм айлыгы дәвам итә

   Бүген, 15.02.2016, М.Җәлилнең 110 еллык юбилеена багышланган  чара үтте. Укучылар герой-шагыйрьнең төрле елларда язылган шигырьләрен укыдылар. "Юные таланты" түгәрәгенә йөрүче балалар "Ана бәйрәме" шигырен сәхнәләштерде. Бу чарада 3-9 нчы сыйныф укучылары актив катнашты.