Сентябрь аенда Россия буенча "Милләтләр кроссы" үткәрелә. Аның максаты сәламәт яшәү рәвешен пропагандалау һәм физик культура белән шөгыльләнүгә барлык халыкны тарту. Безнең мәктәп тә бу мөһим чарадан читтә калмады. 

Мәктәп территориясен биек агачлардан чистарту өмәсе узды.

Җәй буе хезмәт куйдык без

Мәктәп яны, бакчада

Яшелчә, матур чәчәкләр

Шуңа мул булды анда!

5-6 нчы сыйныф укучылары Гайнавал апага кәбестә уңышы алырга булыштылар.

Көзге шәфкатьлелек атналыгы дәвам итә.

Алманың була алы,

Кызылы һәм яшеле.

Алмада җыелгандыр,

Витаминнарның шәбе.

       Быел алма күп булды. Өлкәннәргә алма уңышы җыярга мәктәп укучылары да керде. 8 нче сыйныф укучылары Зиннатуллин Эрнест  абыйга алма уңышы җыюда булыштылар. Эрнест абыйлары рәхмәт йөзеннән үзләрен алма белән сыйлады.

       "Игелекле эшләр" атналыгы уңаеннан 9 нчы сыйныф укучылары ветеран укытучы Нурия Махмутовнага көзге уңыш җыярга ярдәмгә бардылар. Кабак һәм бәрәңге җыюда булыштылар.

Күңел җылысын тою - өлкәннәр өчен иң кадерле бүләк. 5 нче сыйныф укучылары ветеран укытучы Саимә апа, тыл ветераны Мофуаза апа белән очрашу вакытында.

   Чишмәләр - барлык төр сулыкларның башлангычы, тукландыра торган чыганагы. Шуңа күрә, чишмәләрне сакларга кирәк! Шул уңайдан башлангыч сыйныф укучылары 7 нче сентябрь көнне чишмә буен чистартырга бардылар. 

Без бүген пожар чыгу шартларында  эвакуация кагыйдәләре белән таныштык, экстремаль шартларда  тормышны саклап калу кагыйдәләрен кабатладык.