Бүген, 9 сентябрь, мәктәптә Сәламәтлек дәресләре үткәрелде. Башлангыч сыйныф укучылары белән "Сәламәтлек - зур байлык" темасына презентация ярдәмендә дәресләр үткәрелде. 5-9, 11 сыйныфларда "Сәламәтлек - матурлык билгесе" темасына дәрес үткәрелде

6 сентября в агропромышленном парке  г.Казани началась работа сельскохозяйственных ярмарок

6 сентябрь көнне Казан шәһәренең агросәнәгать паркында авыл хуҗалыгы ярминкәләре башланып китте

5 сентябрь - Финанс грамоталыгы көне буларак 8,9,11 сыйныфларда дәрес үткәрелде. Дәрестә ООО "Сөт иле" бухгалтер - экономисты Гарифуллина Алсу Госман кызы һәм иминиятләштерү өлкәсендә хезмәт куючы Хусаинова Индүсә Фәрит кызы катнашты. 

3 сентябрь -  Беслан һәлакәтенә 10 ел тулу уңаеннан сыйныфларда Хәтер дәресләре үтте.  

Бүген Сауш урта гомумбелем бирү мәктәбендә Белем бәйрәме тантанасы булып үтте. Бу уку елында беренче сыйныфка 5 укучы аяк басты. Белем серләренә аларны Шәйдуллина Сәвия Сәит кызы өйрәтәчәк.

Сегодня в Саушской средней общеобразовательной школе состоялся праздник, посвященный ко Дню знания. В этом году в первый класс поступили 5 учеников. 

Кичә, ягъни 26 август көнне Югары Кибәхуҗа авылы мәдәният йортында район укытучыларының август киңәшмәсе булып үтте. Бу киңәшмәдә безнең мәктәптән дә укытучылар катнашып кайттылар. Безнең мәктәп коллективы район мәктәпләре арасында "Яңа уку елына әзерлек" номинациясендә 3 урынны алды һәм истәлекле бүләк белән бүләкләнде. Информатика укытучысы Габдрахманова Зөлфия Каюм кызына хезмәтендә куйган уңышлары өчен администрация тарафыннан грамота тапшырылды. Зөлфия Каюм кызын әлеге уңышлары белән тәбрик итәбез!

1 нче сыйныфка укырга керүче 5 укучыга уку әсбаплары тапшырылды.  Тантанада  район электр элемтә челтәре  вәкиле һәм укучыларның әти-әниләре катнашты.

2014 нче елның 16 августында безнең мәктәп укучылары Болгарга сәяхәт кылдылар. Алар Болгар шәһәрчегендә беренче тапкыр уздырылган "Бөек Болгар" Бөтенроссия  тарихи фестивалендә тамашачылар буларак катнашып кайттылар. Әлеге фестивальдә укучылар урта гасырның гайрәтле көнкүреше белән таныштылар.

Мәктәбебездә тулы көченә яңа уку елына әзерлек эшләре бара. Мәктәп хезмәткәрләре һәркайсы кулларына эш кораллары тотып эшкә тотынган. Буяу, төзү, юу эшләре белән мәшгуль. Мәктәп – икенче йорт. Без йортыбызны матур һәм уңайлы булсын дип тырышабыз. 

Мәктәбебез китапханәчесе Габдрахманова З.К. Казан шәһәрендә язучы Тарханова Флера Габдрахмановна белән очрашуда булып кайтты. Флера ханым мәктәбебезгә яңа китаплар  бүләк итте. Киләчәктә дә элемтәбез өзелмәс дип уйлыйбыз.