Бүген мәктәптә 4 сыйныф укучылары математикадан тест эшләделәр. 

1995 елдан башлап 9 декабрь Россиянең Ватан Геройлары көне буларак билгеләп үтелә. Шул уңайдан тарих укытучысы Гарифуллина Гөлназ Габделгазизовна мәктәп музеенда Ватан Геройларына багышланган дәресләр үткәрде. 

Бүген мәктәптә математика атналыгы башланып китте. Укучылар үзләре әзерләгән темалар буенча "Бөек математиклар" турында сөйләделәр.

9 декабрьдән 14 декабрьгә кадәр математика атналыгы игълан ителде. Укучыларга атна буена план төзелде. Эшләр бүлеп бирелде. Укучыларга уңышлар телибез.

Инвалидлар декадасы уңаеннан бүген тәрбия сәгатендә укучыларга кино күрсәтелде. 

1- 10 декабрьгә кадәр "Инвалидлар декадасы" узу уңаеннан мәктәптә план төзелде. План нигезендә бу уңайдан чаралар үтә. Шуларның берсе авылда инвалид бала Хабибуллина Гөлчәчәк янында булу, аңа дип укучылар тарафыннан бүләкләр әзерләнде, укытучылар тарафыннан күчтәнәчләр. 3 декабрь көнне Гөлчәчәкнең яшьтәш укучылары белән Гөлчәчәк янына бардылар. Балаларның килүенә, аларның алып килгән бүләк күчтәнәчләренә Гөлчәчәк бик сөенде. Алар бергәләп җырлар җырладылар, биеделәр, уйнадылар, рәсемнәр ясадылар.  

Мәктәп күләмендә кышкы чорда сакчыллык чараларын кисәтү уңаеннан укучыларга куркынычсызлык кагыйдәләре буенча инструктаж үткәрелде. 

2 декабрь көнне 9 укучы, 2 укытучы  Бөек ватан сугышы ветераны Сираҗетдинов Рифкат абый янында булып кайттылар. Укучылар Рифкат абыйның тормышы белән таныштылар, үзләрен кызыксындырган сорауларга җаваплар алдылар. Укучылар Рифкат абыйга даими ярдәм итеп торалар, киләчәктә дә аны ташламаска сүз биреп саубуллаштылар.. 

Узган атнада мәктәптә "Әбүнәче көне" үткәрелде. Анда почтальон Имаметдинова Алсу чакырылды. Ул рус һәм татар телләрендә нәшер ителүче басмалар белән таныштырды. Балалар өчен булган басмалар турында сөйләде. Ахырдан газета -журналларга  язылу башкарылды. 

" Әнкәй җирдә иң зур кеше" исеме астында әниләр бәйрәме үткәрелде.