Габдулла Тукайның Туган көнендә бакчабызда "Туган телем - Тукай теле" дигән шигырь сөйләүчеләр бәйгесе оештырдык. Зур бәйрәмгә әверелән бу бәйгегә балалар бик җитди әзерләнделәр: Габдулла Тукайның шигырьләрен сәнгатьле итеп сөйләргә өйрәнделәр. Бәйрәмгә кунаклар да килде. Күп еллар Дөбъяз мәктәбендә татар телен һәм әдәбиятын укыткан Галимова Гөлсинә Хисмәт кызы баш хөкемдар булды. Бәйге башланганчы Гөлсинә Хисмәт кызы күптөрле күрсәтмә материаллар кулланып, кызыклы итеп балаларга Габдулла Тукайның тормышы һәм иҗаты турында сөйләде. Шигырь сөйләүчеләргә бәя биргәндә жюри әгъзалары сәнгатьлелеккә; сөйләүченең сәхнәдә үз-үзен тотышына, әсәрне тамашачыга җиткерә алу осталыгына, музыкаль бизәлешкә, дикциягә һәм костюмнарга игътибар иттеләр. Аеруча уңышлы зурлар төркемендә тәрбияләнүче Мухаметзянова Ландышның ("Милли моңнар" шигыре"), Низамова Зәйнәпнең ("Фатыйма белән сандугач" шигыре ) , мәктәпкә әзерле төркеменнән Вафина Лилиянең ("Кызыклы шәкерт" шигыре) чыгышлары булды. Кечкенәлә арасыннан "Иң яхшы сөйләүче" дип Каримова Ралинә һәм Халиуллин Азат танылдылар.