Ел саен бу көнне без олы хезмәттәшләребезне бәйрәм белән котлыйбыз. Без аларны күрергә бик шатбыз.

Сезнең тормыш юлы матур тарих,
Күпләр өчен үрнәк булырлык.
Рәхмәт, дибез, сезгә чын йөрәктән,
Сезнең гомер — безнең горурлык.

Өлкәннәр көне белән кадерлеләребез!!!
 

Бакчабызда Мәрхәмәтлек атналыгы узды. Бигрәк тә актив кечкенәләр төркеме булды - йортсыз хайваннарга азык җыюда тырышып катнаштылар.

Табигатьне  яратырга, сакларга, аңларга, матурлыгына  сокланырга, табигый байлыкларны ишәйтергә  омтылучы балалар төрбияләр өчен бөҗәкләр дөньясы белән таныштыруны дәвам итәбез.

Юл йөрү кагыйдәләрен кабатладык. Максатлары:

- балаларның юл йөрү кагыйдәләре турындагы белемнәрен баету;

- урам аркылы бары тик билгеләнгән урыннардан, олы кешенең кулына тотынып, светофорның яшел уты янгач кына чыгарга кирәклеген өйрәнү;

- транспортта үз-үзеңне тоту кагыйдәләрен ныгыту;

- балаларда урамда йөргәндә игътибарлылык, тыйнаклылык; транспортка утырып йөргәндә тәртиплелек тәрбияләү.

Бүген балалар белән юл йөрү кагыйдәләрен кабатларга дип Казан шәһәре ГБУ БДД профилактика бүлегенең әйдәп баручы белгече Музафарова Зөлфия Вазыйховна килде. Балалар үз белемнәре белән бүлештеләр, яңа белем алдылар, уеннар уйнадылар, бүләкләр өләшенде. Рәхмәт! Бакчабызда тагын сезне көтеп калабыз.

Балаларның экологик культурасын үстерү өчен бакчабызда күп эш башкарыла.  Кичә, КВН нар, рольле уеннар   уздыру  экологик тәрбия бирүдә әһәмиятле.  Балаларның күзәтүчәнлек, игътибарлылык кебек сыйфатларын, хәтер һәм зиһенен үстерә, фикерләү сәләте үсеше белән бергә, туган телгә, туган якка мәхәббәт тәрбияләнә. Бу атнада балалар уен рәвешендә чүпләрне араларга, аралап җыерга, үсемлекләр тәрбияләргә өйрәнделәр.

      Бакчада балаларга экологик тәрбия бирү аның яшь үзенчәлекләрен искә алып үткәрелә. Туган як табигате, аны ярату, матурлыгына соклану, аңа ярдәм итү аша бала беренче белемнәрен, беренче кичерешләрен ала.

Рәсәй көне белән, дуслар! Ил-көнебез тыныч,күгебез аяз булсын,барыгызга да күптин-күп,чуктин-чук бәхет-сөенечләр,сәламәтлек,җан тынычлыгы телибез! Алга барыйк,яңадан-яңа үрләр яулыйк! 

Бу бәйрәм уңаеннан бакчабызда музыкале күңел ачу чарасы уздырылды: матрешкалар, ложкари кунакка килде.

Елдагыча рус халкының бөек шагыйре А.С.Пушкинның туган көнең атналык проект белән үткәрәбез. Әсәрләрен искә төшереп, викторина уйнап, музыкалы күңел ачу чарасы белән тәмамладык.

Бүген балалар һәм әти-әниләр белән 80нче мәктәп музеена экскурсияга бардык.   Музейга бару һәрвакыт кечкенә бәйрәм. Музейга экскурсия балаларда Ватанга мәхәббәт, аларның үз төбәкләрендә социаль тормыш тәҗрибәсе туплавын, кабул ителгән тәртип нормаларын, үзара мөнәсәбәтләрне үзләштерүне, мәдәният дөньясына тартылуны формалаштыра. Балалар музей белән танышудан бик канәгать калдылар. Күргән экспонатлардан күп тәэсирләр алдылар.

Бөек Җиңүнең 77 еллыгына багышланган "Хәтерлибез һәм горурланабыз" исемле шигырь бәйрәме узды. Актив катнашучыларга зур рәхмәт.