Бакчада балалар өчен " Нептун көне " оештырылды.Балалар мавыктыргыч уеннардан рәхәтлек алды, әкияти геройлар белән очрашты

Балалар белән бик күп бәйрәмнәр үткәрәбез. Шулар арасында иң яраткан бәйрәмебез- туган көн бәйрәме!!!! 

Гүзәл айда тугангадыр,

Гүзәл көндә тугангадыр,

Чып-чын гүзәл булгансың.

Җылы кояшның нурларын

Үзеңә, ахры, җыйгансың.

Саф һава  тәнгә сихәт, шуны белеп яшәсәң,  яшәвең булыр рәхәт! Без һәр көнне балалар белән  спорт мәйданчыгында төрле хәрәкәтле уеннар уйныйбыз, аларның хәрәкәт активлыкларын, җитезлекләрен, тапкырлыкларын үстерәбез.

Бүген уртанчылар төркеме балалары белән ял паркына сәяхәткә бардык. Ул безнең ял итү, танышу, аралашу, милли тәрбия алу урыны булып тора.

Безнең китапханәбез

Җылы, кояшлы, иркен.

Дөрестән дә, эш беткәч,

Шунда киләбез һәр көн.

Балаларны дару үләннәрен танырга  һәм исемнәрен дөрес әйтергә өйрәнү  эшен дәвам итү. Берничә агулы үлән турында төшенчә бирү. Балаларның дару үләннәрен куллану һәм дөрес җыю турындагы белемнәрен тулыландыру. Үзеңнең сәламәтлегеңә сак караш тәрбияләү максатыннан экскурсия оештырылды.

Балаларда шат кәеф,дуслык,әдәплелек хисләре тәрбияләү максатыннан Мингазова Гөләндәм, Гибадуллина Рәзилә балаларны "Уенчыклар дөньясы" кибетенә кунакка алып бардылар. Анда аларны Рима һәм Чулпан апалары бик җылы каршы алдылар, уенчыкларга сак караш хисләре тәрбияләү максатыннан бик эчтәлекле итеп сөйләделәр. Безне тагын кунакка чакырып калдылар. Безгә бик күңелле булды.

Витаминнарның һәм минераль матдәләрнең төп чыганаклары булган – яшелчә, җиләк-җимешләрнең күптөрлелеге белән таныштыру. Яшәү өчен кирәкле матдәләр – витаминнарның җитмәве аркасында төрле авырулар килеп чыгуы турында дөрес караш формалаштыру. Яшелчә һәм җиләк-җимешләрнең иң кирәкле компонентлар буларак, көндәлек туклану рационында булдыру хакында әңгәмә оештырдык.

Бала организмы – бик тә төгәл көйләнгән система, анда берни дә артык түгел, шуңа күрә аңа дөрес тәэсир итә белү бик мөһим. Үз вакытында үткәрелгән һәр чыныктыру чарасы балаларга сизелерлек тәэсир итә. Мондый балаларның чыдамлылык күрсәткечләре югарырак була, алар яхшырак йөгерәләр, сикерәләр, авыруларга бирешмиләр. Төймәләр өстеннән яланаяк йөрү баланың аягына уңай тәэсир итә.Ул нерв нокталарына көчле тәэсир итә, яссы табанлыкны, аяктагы арыганлыкны киметә