1 нче кечкенәләр төркеме ата-аналар игътибары өчен "Балкортына ярдәм итик!" исеме астында интегральләшкән шөгыль  тәкъдим итеп,  "ачык ишекләр" көне уздырды. Тәрбияче балаларны бар яклап та ачты- рәсем ясау, әвәләү, дидактик уеннар, хәрәкәтле уеннар белән бергә үрелеп барган шөгыль ата-аналар өчен дә, балалар өчен дә бик уңышлы килеп чыкты. Балалар бик теләп катнаштылар, ел буе алган белемнәрен күрсәттеләр.

Балалар уйнап үсәләр. Уен процессында хезмәткә өйрәтү бик җиңел,

үзенең хезмәте белән башкаларга файда китерүен тоя. Үзен кирәкле

кеше итеп сизгәндә, бала шәхесе дөрес формалаша, хезмәткә

мөнәсәбәте дә уңай була. Шулай итеп хезмәт тәрбиясе бирүнең дә

нәтиҗәсе күренәчәк

Бездә бүген бәйрәм булды!!!   “Нәүрүз” ул – Яңа ел, яңа көн дигән сүз. Бу бәйрәм – борынгыдан килгән бәйрәм. “Нәүрүз” – көн белән төн тигезләшкән чакка - 21-22 мартка туры килгән, шулай ук бу бәйрәм безнең төбәкләрдә язны каршылап, язгы чәчү   эшләре алдыннан үткәрелә торган халык бәйрәме булып санала.

Шөгыльләрдә лего куллану буенча консультацияләр оештырабыз. 

№7 балалар бакчасында үткәрелгән коллегиаль утырышында мәктәпкә әзерлек б төркеме балалары һәм тәрбияче Лотфуллина Ләйсән Глүс кызы лего белән төзү шөгылен күрсәттеләр. Шөгыльдә балалар архитектор, конструктор һөнәр ияләре белән таныштылар һәм легодан хәрәкәт итүче күпер төзеп хәзинә таптылар. 

Бакчабыз территориясендәге агачларга  ата-аналар белән берлектә сыерчык оялары ясадык. Язның иң моңлы  кунаклары безнең бүләкләребезне күреп бик шатланырлар, шат, күңелле җырларын бүләк итәрләр дип ышанабыз. Сезнең игътибарыгызга да берничә сыерчык оясы тәкъдим итәбез.

Мәктәпкә әзерлек " Б" төркемендә "Ачык ишекләр көне " булып узды. Балалар ата-аналар, башлангыч класс укытучылары, логопед алдында интегральләштерелгән шөгыльдә (математика, ФЦКМ,рус теле, грамотага өйрәтү,сәнгать үсеше, физик үсеш) үзләренең белемнәрен, зирәклекләрен, мәктәпкә әзер булуларын күрсәттеләр, һәм әлбәттә, сынатмадылар.Киләчәктә аларга сәламәтлек, белем үрләрен яулауда зур уңышлар телибез.

1 нче кечкенәләр төркемендә ФЦКМ буенча коллектив күзәтү булды. Шөгыльдә һөнәр ияләре турында белемнәре ныгытылды.Балалар актив булдылар, тәрбияче  сынатмады.