Бакчабызның зурлар төркеме балалары чәчәкләргә сулар сипкәч бераз ял итеп алдылар.

Балаларыбызның тәҗрибә участогында тырышып яшелчәләр үстерүләрен һәркем белә. Инде җәйнең дә ике ае сиздермичә генә үтеп бара. Түтәлләрдә әкеренләп  беренче уңышлар да күренә. Үзләренең хезмәт җимешләрен күреп, иң элек, балалар куана. Тырышып, күңел җылысын биреп, яратып эшләгән нәни кулларга яшелчәләребез дә рәхмәтле, күрәсең. Шулай булмаса, помидорларыбыз "йөрәк" формасындагы уңышлары белән сөендерер иде микән...  Нәни куллар җылысын кем генә яратмый?!,,,

Җәйге матур көндә үзебезнең матур хисләрне асфальтка төрле төсләр белән төшердек.

Бүгенге көндә балалар өчен нинди генә китаплар, журналлар басылмый. Китап кибетләренә керсәң, кайсын сайлап алырга да белмисең?! Янып торган буяулары, кызыктыргыч рәсемнәре белән үзләренә җәлеп итеп торалар. Шулар арасында "Салават күпере" журналы аерым урын алып тора. Әлеге басманы безнең балалар да үз итәләр - әкиятләрен яратып тыңлыйлар, биремнәрен үтиләр, конкурсларда катнашалар. Иманаева Самира белән Хаҗиев Ренар "Салават күпере"нең якын дуслары. 

24 июль  көнне балалар белән татар халык уеннарына багышланган бәйрәм уздырдык.Анда барлык төркем балалары да бик теләп катнашты, үзләре белгән уеннарны уйнадылар,яңаларын өйрәнделәр.

Иярләдек "сәпид"ләрне,

Зур ярыш бүген бездә!

Карап - күзәтеп торыгыз,

Иң беренче кем килә?

Асылынган-бүселенгән,

Көннең чырае сытык.

Болытлар яшь коялар,

Урамда һич юк кызык...