8, 9 нчы классларда 3 нче декабрь көнне – “Билгесез солдат” көненә багышланган чара узды. Класс җитәкчесе - Хабибуллина И.И.

2 нче декабрь – инвалидлар декадасына карата “Көчле рухлылар” исеме астында 5,7 нче сыйныфларда класс сәгате булды. Класс җитәкчесе – Солтанова Г.Д.

1 нче декабрь – СПИДка каршы көрәш акциясенә карата 9 нчы сыйныфларда класс сәгате үтте. Класс җитәкчесе - Хабибуллина И.И.

        Бу атнада да район үзәгендә  республикакүләм олимпиадаларның муниципаль турлары үткәрелде.  25 нче ноябрь көнне биология фәненнән 9 нчы класс укучысы Хабибуллин Айдар һәм 7 нче класс укучысы Зиязетдинова Адилә, 26-27 нче ноябрь көннәрендә тормыш иминлеге нигезләре фәненнән 5 нче класс укучысы Мифтахов Рәмзил һәм 9 нчы класс укучысы Хабибуллин Айдар, 29-30 нчы ноябрь көннәрендә физкультура фәненнән 7 нче класс укучысы Зиязетдинова Адилә катнаштылар. Җитәкчеләре Гардисламова Ф. М. Һәм Зиязетдинов Х.Х.

       29 нчы ноябрь көнне мәктәбебездә Әниләр көне уңаеннан бәйрәм чарасы үткәрелде. Аны татар теле һәм әдәбияты укытучысы Солтанова Г. Д. оештырды. Бәйрәмдә әниләр ике командага бүленеп ярыштылар, үзләренең көчләрен сынадылар. Уеннар укучылар башкаруында җырлар, биюләр һәм шигырьләр белән үрелеп барды. Соңыннан бәйрәм кичәсе, әниләр алып килгән, тәмле сый-хөрмәтләр белән чәй табыны артында дәвам итте. Бәйрәм бик күңелле үтте!

      Бу атна барышында без мәктәбебез белән кулланылышта булган батарейкаларны җыю буенча акциягә кушылдык. Мәктәптән барысы 3 кг 630 г батарейка җыеп тапшырылды. Иң күп батарейка алып килүчеләр Зарипов Илнар ( 4 класс ) – 636 г., Адиева Фирүзә ( 5 класс ) – 482 г., Мифтахов Рәмзил ( 5 класс ) – 1 кг 138 г., Хабетдинов Нәркиз ( 7 класс ) – 684 г., Рашитов Риназ ( 8 класс ) – 690 г.

 Район мәктәпләре арасында батарейка җыю буенча мәктәбебез призлы икенче урынны яулады. Молодцы!

   “Актаныш-информ” мәгълүмат агентлыгының “”Актаныш авазы” телевидениесе тарафыннан  Әниләр көне уңаеннан оештырылган “Әнием – күз нурым!” видеобәйгесендә катнашып,  2 нче класс укучысы Шакирова Алинә һәм 3 нче класс укучысы Собханова Алсу “Иң матур шигырь” сөйләүче исеменә лаек булдылар. Укытучылары Шәймөхәммәтова Э.Г. һәм Хафизова Ф.Ф.

19 ноябрь көнне Мари Суыксу мәктәбендә 9 нчы сыйныфлар арасында рус теленнән дәүләт йомгаклау аттестациясенә әзерләнү кысаларында алдан биреп карау әңгәмәсе үткәрелде. Безнең 9 нчы сыйныф укучылары әңгәмәдә катнашып, яхшы нәтиҗәләр күрсәтте. Аларның төп имтиханнарны да шулай уңышлы тапшыруын телибез.

5,7 класс кызлары технология дәресләрендә аш-су әзерләү серләренә төшенәләр. Укытучы Хафизова Ф.Ф.