24 нче октябрь көнне Актаныш районында “Муса Җәлил укулары” булып узды. Безнең мәктәптән “Муса Джалиль на татарском” номинациясендә 2 нче класс укучысы Шакирова Алинә, җитәкчесе - Хафизова Ф.Ф.; 5 нче класс укучысы Зарипова Алинә, җитәкчесе - Солтанова Г.Д.; “Муса Джалиль на русском” номинациясендә 7 нче класс укучысы Зиязетдинова Адилә, җитәкчесе - Хәбибуллина И.И катнаштылар.

2019 елның  19 октябрендә 2001 елда туган һәм аннан да яшьрәк егетләр арасында М.Ш. Гыйлаев истәлегенә "Көрәш" буенча турнир узды. 

18 октябрьдә 2 нче санлы Актаныш мәктәбе базасында башлангыч класс укытучыларының "Башлангыч мәктәптә критик фикерләү технологияләрен куллану" исемле төбәкара семинар узды. Семинар кысаларында  ачык дәресләр, мастер-класслар күрсәтелде.

 15 октябрь көнне Актаныш районында эшче һөнәрләрне пропагандалауны максат итеп куйган киң масштаблы чара оештырылды. Әлеге мөһим чарага район мәктәпләрендә белем алып, тугызынчы сыйныфны тәмамлау алдында торган егет һәм кызлар чакырулы иде.

11 октябрь көнне район мәдәният йортында “Тату сыйныф серләре” дигән ата–аналар комитетлары республика бәйгесенең район этабы узды. Анда өч номинациядә үткән бәйгедә зона этапларында җиңү яулаган 10 мәктәп командасы катнашты. 

6 октябрь көнне Тат. Суксу авылында Өлкәннәр ункөнлеге уңаеннан ярминкә үтте. Безнең мәктәп коллективы өлкәннәргә бакчада үстерелгән төрле нигъмәтләр тәкъдим итте.

3 октябрь көнне мәктәбебездә Өлкәннәр ункөнлеге һәм Укытучылар көне уңаеннан зур бәйрәм уздырылды. Укытучыларны һәм мәктәптә эшләп лаеклы ялга чыккан ветераннарны башлангыч класс укучылары тәбрикләде.

Авылыбыз фельдшеры Бадертдинова Галия балаларның җәйге ялдан соң чисталыкларын һәм сәламәтлекләрен тикшереп чыкты.

1 сентябрь көнне мәктәпләрдә укулар башланып китте.  Быел авылыбызның 19 баласына 12 укытучы фән нигезләрен төшендерәчәк. Белем бәйрәме бик күңелле узды. Яңа уку елы котлы булсын!

Бүген мәктәптә педсовет утырышы булды.