8 Март – Халыкара хатын – кызлар көне. Бу яз бәйрәме – иң гүзәл бәйрәмнәрнең берсе. Шул уңайдан 7 нче март көнне мәдәният йортында зур концерт булды. Анда бакча балалары, мәктәп укучылары һәм өлкәннәр катнашты.

Хөрмәтле хатын – кызларыбыз! Сезне 8 Март – Халыкара хатын – кызлар көне белән чын күңелдән котлыйбыз. Салкын, озын кышлардан соң килгән беренче Яз бәйрәме – иң гүзәл бәйрәмнәрнең берсе. Бу бәйрәм сезгә тормыш яме, яшәү көче өстәсен. Һәрвакыт елмаеп яшәгез, бәхет – шатлыклар һәрбер көнегезне язгы якты итсен. Гаиләләрегезгә иминлек, тыныч тормыш телибез. Бәйрәмегез мөбарәк, бәхетегез түгәрәк булсын!

3  нче март көнне Тат.Суксу авылында табибә  З.Г.Исламова истәлегенә чаңгы ярышы узды. Бу ярышта безнең мәктәп укучылары  да катнашты. 5 нче сыйныф укчысы Зиазетдинова Адилә 1 нче урын, Хафизова Айназ 4 урын , Зиазетдинов Камил 3 урын алды. Өлкәннәр арасында Зиазетдинов Хатип Хаккый улы 2 урынга лаек булды. 

27 нче  февраль көнне Пучы урта мәктәбендә   7 – 8 сыйныф укучылары арасында “Физик огонек” конкурсы булды. Алар анда төрле дәрәҗәдәге физик мәсьәләләр чиштеләр. Безнең мәктәптән  Хабибуллин Айдар, Зиазетдинов Камил һәм Нуретдинов Сәйдәш  составындагы команда мәктәп данын яклады.

20 февраля 2018 года на базе МБОУ «Актанышская средняя общеобразовательная школа №2 с углубленным изучением отдельных предметов» был проведён районный  конкурс на лучший диктант «Кто грамоте горазд, тому не пропасть» с грамматическим заданием в 5-6 классах.

22 февраль көнне мәктәбебездә "Укытуда метапредмет нәтиҗәләргә ничек ирешергә" дигән тема астында башлангыч класс укытучыларының район семинары булып узды. Семинарда катнашучыларга Шәймөхәммәтова Эльмира Газизҗан кызы 3 класста татар теле дәресе, Хафизова Фәридә Фәвәсим кызы 2 класста математикадан ачык дәрес күрсәттеләр. Шулай ук Фәридә Фәвәсимовна "Буктрейлер ясау", Фәнисә Касыймовна Һади Такташның "Ак чәчәкләр" шигеренә анализ, Күҗәкә мәктәбеннән Фазлыева Илсөяр Абударовна һәм Ямалы мәктәбеннән Варина Тәнзилә Рифкатовна “ФДББС тормышка ашыру шартларында башлангыч белем бирүнең метапредмет нәтиҗәсе” темасында мастер-класслар уздырдылар. Актаныш муниципаль районы Башкарма комитеты МКУ “Мәгариф идарәсе” методисты Г.Д.Имамразыеваның  “Федераль дәүләт белем бирү стандарты таләпләре нигезендә дәрес структурасы” чыгышы тыңланды. 

21 нче февраль көнне Яңа Кормаш мәктәбендә Халыкара туган тел көне билгеләп үтелде. Татар теле һәм әдәбияты укытучысы Закирҗанова Фәнисә Касыйм кызы әлеге чараның тарихы белән таныштырды. 

“Йолдызлык – 2018 “фестиваленә йомгак ясалды. Яңа Кормаш мәктәбе укучылары Хафизова Айназ һәм Хабибуллин Айдар “Конферанс” номинациясендә III дәрәҗә    лауреат булдылар. Аларны котлыйбыз һәм киләчәктә дә уңышлар телибез.

Татар шагыйре, язучы һәм драматург,  М.Җәлил премиясе, Г. Тукай исемендәге дәүләт премиясе лауреаты,  “Халыклар дуслыгы” ордены кавалеры Фәнис Яруллинның тууына 80 ел тулуга багышланган кичә уздырылды. Татар әдибенең тормышы, иҗат үзенчәлеге белән таныштыру аның тавышын һәм аның сүзләренә язылган җырлар  тыңлау белән үрелеп барды.                                                                      

12 һәм 13 февраль конне "Созвездие - Йолдызлык 2018"  яшьләр телевизион  иҗади-сәнгать фестиваленең сайлап алу турының икенче өлеше узды. Зарипова Алинәнең җыры, Корбанова Рузиянең “Чегән биюе” һәм конферанслар Айдар белән Айназның чыгышлары район комиссиясенә тәкъдим ителде.