1981 елда БМОның Генераль Ассамблеясе тарафыннан,  сентябрьнең өченче сишәмбесе Бөтендөнья Тынычлык көне итеп  билгеләнде. 2002 нче елдан бу көн 21 сентябрьгә тәгаенләнде. Җир шарының күп кенә өлешендә кешеләр тыныч тормышта, аяз күк йөзе күреп яши, балалар шатланышып мәктәпләрдә укый.

23 сентябрь көнне укчылар, укытучылар һәм техник хезмәткәрләр бакчада үстерелгән кишер уңышын җыеп алдылар. 

Бүген, 15 сентябрь көнне Актанышта традициягә әверелгән Чәчәкләр бәйрәме үткәрелде. Районыбызда әлеге күркәм бәйрәм 2002 елдан алып, һәр җәйнең август ахырында билгеләп үтелә. 

2 сентябрь көнне укытучылары белән берлектә мәктәбебезнең югары сыйныф укучылары мәктәп бакчасында бәрәңге алдылар. Укучылар бик тырышып эшләделәр, бәрәңге уңышы да яхшы гына булды. 

  Башлангыч сыйныф укучылары уку елын төгәлләп, су буена экскурсиягә чыктылар, язгы табигатьтәге үзгәрешләрне күзәттеләр. 

Мәктәптә укучыларның Җәйге спартакиадасы оештырылды. Алар ераклыкка һәм биеклеккә сикерүдә,ерак һәм якын арага йөгерүдә көч сынаштылар. 

18 май көнне Актаныш Сәләтле балалар өчен гуманитар гимназия-интернаты кысаларында Г Афзал иҗат фестивале узды. Анда безнең мәктәптән 7 класс укучысы Зиязетдинов Камил катнашты һәм лауреат булып. диплом белән бүләкләнде. Җитәкчесе татар теле һәм әдәбияты укытучысы Фәнисә  Касыйм кызы Закирҗанова.

Район күләмендә үткәрелгән балалар техник иҗат фестивалендә катнашып, судомоделирование буенча 3 нче урынны алган 8нче класс укучысы Хафизов Айнурның эше, республика күләмендә катнашу өчен,Тәтеш шәһәренә җибәрелде. Җитәкчесе Закирҗанов Фәрит абый. 

8 май көнне Бөек Җиңүнең 72 еллыгына багышланган тантаналы митинг узды. Ветераннарны авыл җирлеге башлыгы Рәсүл Харисов, Актаныш районы администрациясе вәкиле Хамидуллин Р.Ф. тәбрикләде. Авылыбызның имам-хатибы Минәвир хәзрәт һәм аның шәкертләре сугышта үлеп калган һәм кайтканнан соң бакыйлыкка күчкән авылдашлар рухына коръән сүрәләре укып, дога кылдылар.