Балалар комлыкта уйнарга бик яраталар. Комлыкта балалар бер-берсе белән аралашырга, килешеп, бүлешеп уйнрага өйрәнәләр. Кайнар ком сәламәтлекләре өчен дә бик файдалы.

Бу көннәрдә кызларыбыз бакча территориясендә чия җыю белән шөгыльләнәләр. Чияне кыш көне балаларга компотка салып бирәбез, тәмле дә, файдалы да.

Бакчабызның тәҗрибә участогында тәрбиячеләр балалар белән берлектә төрле яшелчә культуралары үстерәләр. Балалар кечкенәдән үк яшелчәләрнең өстәлгә кайдан килгәнлеген белеп, аларны үстерү серләренә төшенеп үсәләр. 

Бүген авылыбызда "Ак калфак" Бөтенрәсәй татар хатын-кызлары оешмасы форумы булды. Балалар бакчасы коллективы һәм балалар белән форум кунаклары каршыладык. Балаларны ничек, нинди юллар белән халкыбызның гореф-гадәтләре, бәйрәм-йолалары, бай мирасы белән таныштыру, аңлатуыбызны күрсәттек, аңлаттык.

Бу көннәрдә тәрбиячеләребез балаларны "Ак калфак" татар хатын-кызларының бөтенроссия форумы кунакларын каршы алырга әзерләндерәләр.

Бүген тәрбиячеләр балалар белән дару үләннәре, аларның файдалы үзлекләре турында сөйләштеләр, аларның дару үләннәре турындагы белемнәрен ныгыттылар. Үги ана яфрагы, бака яфрагы, ромашка чәчәге, юкә чәчәге һ.б. үләннәрне җыеп киптереп, кышка әзерләп куйганда күп кенә авырулардан дәва әзер дигән сүз.

Балалар бакчасында балаларның туган көннәре дә бик күңелле итеп билгеләп үтелә. Балалар "Ак калач" җырлы уенын уйныйлар, туган көне булган баланы котлап, матур теләкләр телиләр. 

Бүген коллективыбыз һәр елдагыча юл буе чабу буенча авыл өмәсендә катнашты.

16 май көнне балалар бакчасы коллективы башка авыл оешмалары белән бергә "Башак" ҖЧҖ маллары өчен яфрак печән әзерләүдә катнашты.

Бакчабызда һәм авыл җирлегендә җәйге эшләр сезоны ачылды. Бакча коллективы бүгенге көндә чәчәк үсентеләрен утыртып бетерү, су сибү эшләре белән беррәттән юл буйланы чабу, чистарту кебек өмәләрдә дә актив катнаша.