Без дә "Бөтенрәсәй йөгерү көне - 2019" уңаеннан,үзара ярыштык.Нәтиҗә-дуслык җиңде!

Елдагыча,быел да укучыларга Мәдәни көндәлекләр тапшырылды.Быел ул ТАССР төзелүнең 100 еллыгына багышланган.Укучылар кыскача көндәлек битләре белән таныштылар,эшләү тәртибе аңлатылды.

Табигать үзенең матурлыгы белән күзләрне иркәли,урамга дәшә.Табигатьнең көзгә таба кереп барган матур бер көнендә без дә экскурсия гә чыктык.Яфраклары төрле гаҗәеп матур төсләргә кергән агачларны күзәттек ,чалт аяз күк йөзенә карап хозурландык.Технология дәресе өчен табигый материаллар җыйдык.

Без авылда яшәгәч,икмәкнең кадерен бик яхшы аңлыйбыз,чөнки табынга килеп җиткәнче ни кадәрле юл үткәнен үз күзләребез белән күрәбез.Игенче хезмәтенең бик авыр икәнен дә беләбез.Шуна күрә аларга хөрмәтебез бик зур.Бу турыда без сыйныф сәгатендә счөйләштек."Актаныш таңнары"газетына күзәтү ясадык. 

Барлык мәктәпләрдәге кебек ,буген безнең мәктәптә дә  гөрләп Белем  бәйрәме үтте.Укучыларны котларга җирле үзидарә башлыгы Хөрмәев Мәхтүм Мехаматулла улы, хаҗи Рәсим хәзрәт,ветеран укытучылар килде.Алар укучылар әзерләгән чыгышны бик яратып карадылар.Укучыларга изге теләкләрен җиткерделәр,күчтәнәч пакетлары тараттылар.Яңа уку елында барыбызга да сәламәтлек,яңадан яңа муңышлар телибез!

Балаларны халыкара яклау көне уңаеннан, Үзәк китапханә "Актаныш басмалары"скверында"Бәхетле балачак"дигән күңел ачу кичәсе үткәрде.Ислам,Таңсылу,Рамазан белән без дә рәхәтләнеп ял итеп кайттык.

Һәр елдагыча уку елының соңгы көннәрен табигать кочагында уздырдык.Кошлар сайравын тыңладык,агачларны,бөҗәкләрне күзәттек.Төрле кызыклы уеннар уйнадык.Зур табын корып,әниләребез пешереп  җибәргән ризыклар белән сыйландык.Шат кәеф белән,каникулга таралыштык.

Бүген мәктәптә моңсу да,тантаналы да булган бәйрәмнәрнең берсе- "Соңгы кыңгырарау"бәйрәме узды.Быел мәктәпне бер укучы тәмамлый.Ул үзенең укуын кадет-интернат мәктәбендә дәвам итәргә уйлый.Аңа уңышлар телибез!

Сиздермичә дә уку елының ахыры якынлаша.Барлык классларда да йомгаклау контроль эшләре,арадаш аттестация эшләре үткәрелә башлады.Укучыларга уңышлар телибез!

Районда үтүче Гамил Афзал исемендәге фестивальдә катнашу өчен,укучылар шигырь язуга тотындылар.Һәр елдагыча ,Гамил Афзал иҗатына күзәтү ясыйбыз,төрле текмага язылган шигырьләрен яратып укыйбыз.