Яз үзенең көчен күрсәтә башлады-көннәр бик тиз җылынды.Шул сәбәпле түбәдән кар төшү куркынычы туды.Сыйныф сәгатендә укучыларга бу турыда аңлатылды һәм максатчан инструктаж үткәрелде.Елга,күл буйларында йөрүнең дә куркыныч булуы кисәтелдле.

Спорт- патриотик айлык кысаларында малайлар арасында саф һавада төрле ярышлар уздырдык.Без аны"Кече "Аҗаган" дип атадык.Малайлар бик рәхәтләнеп кар крепостен штурмладылар. Кар йомарламнарын төз һәм ераклыкка атуда,конькида шууда ярыштылар. Ә хәзер күңел күтәренкелеге,шат кәеф ,яңа көч туплап тырышып укуларын дәвам итәләр.

Шул тема астында класс сәгате үткәрелде.Без аны герой-шагыйрь Муса Җәлилнең батырлыкка һәм үлемсезлеккә илткән тормыш юлы һәм иҗаты белән ныграк танышу максатыннан әзерләдек.Шагыйрьнең тормышына багышланган  презентация карадык,шигырьләрен яттан сөйләдек.Шагыйрь сүзләренә язылган җырлар тыңладык..Шагыйрьнең исеме үлемсез.Ул туган илен, халкын чын күңелдән сөйгән кеше.Шушы мәхәббәте аны зур  батырлыкка рухландырган да инде.