8 Май барлык авылдашлар,кайткан кунаклар һәйкәл янына митингка җыелды.Арабызда сугыш ветераны Гайсә бабай булу белән без чын күңелдән горурланабыз.Аңа исәнлек-саулык телибез!Илләрнбез тыныч,күкләребез аяз булсын!

Май илгә Бөек Җиңү алып килде.Һәр елдагыча безнең мәктәп укучылары Җиңү бәйрәмен дулкынланып көтеп алалар."Хәтер"китабын тагын бер тапкыр карап,авылдашларыбызның фамилияләрен эзлибез.Һәйкәл янына экскурсия ясыйбыз.Вакытлы матбугат материаллары белән танышабыз.Җиңүнең ничек яулап алынганын без һәрвакыт истә тотарбыз.

Көннәр җылыну белән,талпаннарның активлыклары арта.Бу чорда кешеләргә нинди куркыныч яный соң? Нинди саклану чаралары бар?Беренче ярдәмне ничек күрсәтергә?Болар һәм тагын бик күп башка сорауларга җавапны укучылар китаплардан үзләре эзләп тапты.

Һәр елдагыча быел да 3 сыйныф укучыларының ата -аналары белән ОРКСЭ фәнен укыту буенча сөйләшү булды.Ата-аналар бу фәнне укытуның барлык модульләре белән таныштылар.Мәктәптә үзләштерү өчен иң кулай модульне сайладылар.

Бүген 4 сыйныф укучылары математикадан Бөтенрәсәй тикшерү эшен эшләделәр.

Бу көнне авылда Әфган сугышы ветераны ,вакытсыз вафат булган Әхмәтясәви  Хәмзә улы Гомәровны искә алу  оештырылды.Ул яшәгән өйгә мемориаль такта урнаштырылды.Сугыш афәтләре башка кабатланмасын!

Мәктәптә-кызу "урак өсте".4 сыйныфлар" Бөтенрәсәй тикшерү эшләрен"(ВПР) эшлиләр.Бүген рус теленнән диктант яздылар,биремнәр үтәделәр.

Факил Сафинга 65 яшь тулу уңаеннан,Кәзкәй авыл мәдәният йортында бер төркем язучылар белән очрашу оештырылды.Укучылар Мөҗәһит Әхмәтҗановның төрле уен коралларында уйнавын,М.Мирзаның,Ф.Садриевның үз әсәрләрен укуларын бик яратып тыңладылар. Ә Факил Сафин үзенең иҗатка юлы турында сөйләгәндә,укучылар гөрләтеп кул чаптылар.Очрашу укучыларда китапка мәхәббәт уяткандыр дип өметләнәсе килә.

"Сәламәтлек -зур байлык,сакламасан - тик бер айлык"темасына үткәрелгән сыйныф сәгатендә укучылар мәкальләр әйтештеләр,кроссворд чиштеләр.Бик күп яңа физминуткалар өйрәнделәр.