Туган тел атналыгы кысаларында бүген мәктәптә 7А,7Б, 10 классларда Тукай дәресләре узды. 

24 апрельдән 29 апрельгә кадәр мәктәптә татар теле һәм әдәбияты атналыгы уздырыла. Шул уңайдан бүген мәктәптә иртә  "Мәкаль- әйтемнәр беләбезме?" исеме астында узган чара белән башланып китте.

Ялларда Карабаш посёлогында ТР Дәүләт Советы депутаты, якташыбыз Ирек Салихов призына узган милли көрәш буенча турнирда катнашып 6 класс укучысы Шәмсиев Ильяс (тренер Садри А.М.) 2нче урынны яулады. Котлыйбыз!

Апрель ае – бөек шагыйребезнең туган ае, шигърият ае. Зәңгәр күк йөзендә кояш балкыган чакта шаулап-гөрләп апрель ае килгәндә, безнең яраткан шагыйребез Г.Тукай туган. Шул уңайдан китапханәдә "И туган тел, и матур тел... " исеме астында китап күргәзмәсе оештырылды. Рәхим итегез!

Биология һәм химия укытучысы Вагизова А.М. 7А, 8,10 класс укучылар белән экологик дәрес үткәрде.

20 апрель көнне Киров мәктәбендә китапханәчеләрнең районкүләм семинары узды. Мәктәп китапханәчеләре "Балалар һәм яшүсмерләр арасында китап укуны популяштыруның яңа идеяларе һәм формалары" темасына тәҗрибә уртаклаштылар. Күренекле якташыбыз Ләбиб Лерон белән очраштылар.

Укучылар мәктәп бакчасында өмәдә.

 В районном военно-спортивном конкурсе "Зарница-2023" команда нашей школы заняла 3 место!  Поздравляем! 

14 апрель көнне Мөслим гимназиясендә VIII республикакүләм "Фоат Садриев укулары - 2023" фәнни-гамәли конференциясе узды. Чарада ТР Язучылар Союзы әгъзасы, язучы Фоат Садриев, Әлмәт язучылар оешмасы җитәкчесе Рафкать Шаһиев, ТР Язучылар берлеге әгъзалары язучы Минзифа Әхмәтшина, шагыйрә Лилия Садриева, "Авыл утлары" газетасы баш мөхәррире Р. Авзалова; Мөслим районы мәгариф идарәсе җитәкчесе, методистлар һәм башка мөхтәрәм затлар катнашты һәм укучыларның эшләренә гадел бәя бирделәр. Конференциядә  мәктәбебезнең 9 нчы класс укучылары Закирова Эльза һәм Нуртдинова Инзилә "Якташ язучыларыбыз иҗатын өйрәнү" секциясендә уңышлы чыгыш ясап, призер булдылар, Диплом һәм бүләккә ия булдылар. Җитәкчеләре: татар теле һәм әдәбияты укытучысы Гөлназ Кашаф кызы Муллагалиева.

14 апрель көнне Минзәлә районы Калтак урта мәктәбендә районара татар көрәш буенча ачык турнир уздырылды. Пучы мәктәбе командасы көрәшчеләре әлеге ярышта уңышлы чыгыш ясап кайттылар.
Хөснетдинов Рөстәм (28 кг) - 1 урын
Салихов Фаяз (40 кг) - 1 урын
Кашапов Айрат (50 кг) - 1 урын
Шәйхетдинов Сәид (28 кг) - 2 урын
Вахитов Ислам (40 кг) - 2 урын
Шәмсиев Ильяс (50 кг) - 3 урын
Әмиров Самат - "Махсус бүләк"кә лаек булды!
Тренер - Садри Әнис Мөхәммәтнур улы.
Көрәшчеләребезне чын күңелдән котлыйбыз, киләчәктә дә зур җиңүләр теләп калабыз!